تۇركىستان وبلىسى ورداباسى اۋدانى تورتكۇل اۋىلىندا ءمايىتى جول جيەگىنەن تابىلعان 16 جاستاعى قىزدىڭ ءولىمى بويىنشا ءىس قىلمىستىق ىستەر جونىندەگى اۋدانارالىق سوتتا جابىق فورماتتا قارالادى. ءىس قىلمىستىق كودەكستىڭ "ادام ءولتىرۋ" بابى، "زورلاۋ" بابى جانە "سەكسۋالدىق سيپاتتاعى زورلىق-زومبىلىق ارەكەتتەرى" بابىمەن تۇسكەن، دەپ حابارلايدى Dalanews.kz otyrar.kz-كە سىلتەپ.
قايعىلى وقيعا بيىل 6 ماۋسىمعا قاراعان ءتۇنى بولعان. اۋىل تۇرعىندارىنىڭ سوزىنشە، قىز ءوز وتباسىنىڭ دۇكەنىنەن ۇيىنە قاراي شىعىپ، جوعالىپ كەتكەن. ۇيىنە ورالماعان قىزدى تۋىستارى مەن اۋىلداستارى پوليسيامەن بىرگە تۇنىمەن ىزدەپ، تاپپاعان.
تاڭەرتەڭ پوليسيا مارقۇمنىڭ ءمايىتىن جول جيەگىندە ورنالاسقان بالاباقشا قورشاۋىنىڭ ماڭىنان تاپقان.
باسىلىم مالىمەتىنشە، اۋىل تۇرعىندارى قىزدىڭ ءمايىتى تابىلعان كۇنى مارقۇمنىڭ وتباسىنىڭ دۇكەنى جانىندا ورنالاسقان ناۋبايحانادا جۇمىس ىستەيتىن ەڭبەك ميگرانتىن پوليسەيلەر ۇستاعانىن ايتقان. ارتىنشا اۋىلدا بايلانىس ءۇزىلىپ، كۇزەت كۇشەيگەن.
