Túrkistan oblysy ákimdiginiń qoldaýymen ótken festivaldi oblystyq týrizm jáne syrtqy bailanystar basqarmasy men Túrkistan oblystyq alpinister federatsiiasy uiymdastyrdy.
Is-sharanyń maqsaty – ishki, sporttyq-ekologiialyq týrizmdi damytý, oblystyń týristik áleýetin nasihattaý jáne «Rýhani jańǵyrý» baǵdarlamasyn júzege asyrý.
«Bul – bizdiń taýlar!» festivali 2018 jyly úsh bige arnaldy. Atap aitsaq, oblystaǵy 3 biik shyńǵa Tóle, Qazybek, Áiteke bidiń esimi berildi. Buryn Stýdentov (3750 m) dep atalǵan shyń endi Áiteke bi shyńy dep atalsa, Kergeli ýzlovaia (3787 m) shyńyna Qazybek bidiń esimi berildi. Al, Roshina (3860 m) shyńy endi Tóle bi shyńy dep atalady.
El rýhyn kótergen festivalde Qaraǵandy, Aqtóbe, Túrkistan oblystary men Shymkent qalasynan jinalǵan 30-ǵa jýyq alpinistiń 15-i atalǵan shyńdardy baǵyndyrdy.
Saltanatty sharada Túrkistan oblysy ákiminiń orynbasary Erbol Tasjúrekov "Rýhani jańǵyrý" baǵdarlamasy aiasynda ótken festivaldiń mańyzdylyǵyna toqtalyp, alpinisterdi Alǵys hatpen marapattady. Túrkistan oblystyq alpinister federatsiiasynyń prezidenti Baqytjan Asanov týrizmdi damytý baǵytyndaǵy mundai bastamalar aldaǵy ýaqytta da jalǵasatynyn jetkizdi.
Is-shara barysynda velosherý, ulttyq oiyndardan saiystar, kontserttik baǵdarlama uiymdastyryldy. El aǵalary uly tulǵalar týraly derekter aityp, aq batalaryn jaýdyrdy. Taý baýraiynda úsh bidiń qurmetine as berilip, patriottyq ánder shyrqpldy. Festivalge jinalǵan kópshilik Tóle bi aýdanynyń tabiǵatyna tamsanyp, ishki týrizmdi damytýǵa úles qosyp qaitty.
Túrkistan oblysy ákiminiń baspasóz qyzmeti
