تٷركٸستان وبلىسى ەكٸمدٸگٸنٸڭ قولداۋىمەن ٶتكەن فەستيۆالدٸ وبلىستىق تۋريزم جەنە سىرتقى بايلانىستار باسقارماسى مەن تٷركٸستان وبلىستىق الپينيستەر فەدەراتسيياسى ۇيىمداستىردى.
ٸس-شارانىڭ ماقساتى – ٸشكٸ, سپورتتىق-ەكولوگييالىق تۋريزمدٸ دامىتۋ, وبلىستىڭ تۋريستٸك ەلەۋەتٸن ناسيحاتتاۋ جەنە «رۋحاني جاڭعىرۋ» باعدارلاماسىن جٷزەگە اسىرۋ.
«بۇل – بٸزدٸڭ تاۋلار!» فەستيۆالٸ 2018 جىلى ٷش بيگە ارنالدى. اتاپ ايتساق, وبلىستاعى 3 بيٸك شىڭعا تٶلە, قازىبەك, ەيتەكە بيدٸڭ ەسٸمٸ بەرٸلدٸ. بۇرىن ستۋدەنتوۆ (3750 م) دەپ اتالعان شىڭ ەندٸ ەيتەكە بي شىڭى دەپ اتالسا, كەرگەلي ۋزلوۆايا (3787 م) شىڭىنا قازىبەك بيدٸڭ ەسٸمٸ بەرٸلدٸ. ال, روششينا (3860 م) شىڭى ەندٸ تٶلە بي شىڭى دەپ اتالادى.
ەل رۋحىن كٶتەرگەن فەستيۆالدە قاراعاندى, اقتٶبە, تٷركٸستان وبلىستارى مەن شىمكەنت قالاسىنان جينالعان 30-عا جۋىق الپينيستٸڭ 15-ٸ اتالعان شىڭداردى باعىندىردى.
سالتاناتتى شارادا تٷركٸستان وبلىسى ەكٸمٸنٸڭ ورىنباسارى ەربول تاسجٷرەكوۆ "رۋحاني جاڭعىرۋ" باعدارلاماسى اياسىندا ٶتكەن فەستيۆالدٸڭ ماڭىزدىلىعىنا توقتالىپ, الپينيستەردٸ العىس حاتپەن ماراپاتتادى. تٷركٸستان وبلىستىق الپينيستەر فەدەراتسيياسىنىڭ پرەزيدەنتٸ باقىتجان اسانوۆ تۋريزمدٸ دامىتۋ باعىتىنداعى مۇنداي باستامالار الداعى ۋاقىتتا دا جالعاساتىنىن جەتكٸزدٸ.
ٸس-شارا بارىسىندا ۆەلوشەرۋ, ۇلتتىق ويىنداردان سايىستار, كونتسەرتتٸك باعدارلاما ۇيىمداستىرىلدى. ەل اعالارى ۇلى تۇلعالار تۋرالى دەرەكتەر ايتىپ, اق باتالارىن جاۋدىردى. تاۋ باۋرايىندا ٷش بيدٸڭ قۇرمەتٸنە اس بەرٸلٸپ, پاتريوتتىق ەندەر شىرقپلدى. فەستيۆالگە جينالعان كٶپشٸلٸك تٶلە بي اۋدانىنىڭ تابيعاتىنا تامسانىپ, ٸشكٸ تۋريزمدٸ دامىتۋعا ٷلەس قوسىپ قايتتى.
تٷركٸستان وبلىسى ەكٸمٸنٸڭ باسپاسٶز قىزمەتٸ
