Túrkistan qalasynyń mádeni-rýhani ortalyǵynda «TURKISTAN Sky auto fest – 2024» is-sharasy bastaldy. Túrkistan qalasynyń týristik áleýetin arttyrý maqsatynda uiymdastyrylǵan shara aiasynda avtokólikter kórmesi, áýe sharlaryn ushyrý, qolónershilerdiń sheberlik saǵattary, gastornomiialyq shoý, kontserttik baǵdarlama usynyldy, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Is-sharaǵa Túrkistan oblysynyń ákimi Darhan Satybaldy qatysyp, qolónershiler kórmesin aralady.
Avto fest – biregei avtokólikter kórmesinde 200-ge jýyq retro jáne tiýningtelgen avtokólikterdiń ekskliýzivti modelderi qoiyldy. Qonaqtar ártúrli dáýirler men stilderdegi mashinalardy tamashalap, avtoshoýlar men baiqaýlarǵa qatysty. Avtokólikterdiń erekshe dizaindary, aýdiojúiesi men tiýning jumystaryna arnalǵan baiqaý ótti. Kórermenderdiń daýys berýi arqyly eń úzdigi anyqtalyp, mararattaldy.
Sonymen qatar festivalde áýe sharlarynyń shoýy, paraplan jáne deltaplan kómegimen áserli tútinder shoýy uiymdastyryldy. Jappai aspanǵa kóterilgen sharlar qonaqtarǵa erekshe sezim qaldyrǵany anyq. Áýe sharyn tek tamashalap qoimai, ushý múmkindigi de qarastyryldy.
Qolenershiler keramika, aǵash jáne bylǵarydan ulttyq buiymdar jasaý, kilem toqý, qysh qumyralar daiyndaý boiynsha interaktivti sabaqtar ótti.
Taǵamdar kórmesinde jergilikti dámhanalar men meiramhanalar ózderiniń taǵamdaryn usynyp, aspazdar tamaq pisirýden master-klass kórsetti.
Animatorlar, akrobattar men ot shoýy týristik sharany áserlendire tústi. Kelýshiler túrli oiyndarǵa, viktorinalarǵa qatysyp, ýaqytty qyzyqty ótkizdi.
Is-shara kontserttik baǵdarlamaǵa jalǵasty. Kontsertti tanymal DJ Shami, DJ Macarella jáne hedlainer Adil jandandyrdy. Festival eki kúnge josparlanǵan.
