تۇركىستان قالاسىنىڭ مادەني-رۋحاني ورتالىعىندا «TURKISTAN Sky auto fest – 2024» ءىس-شاراسى باستالدى. تۇركىستان قالاسىنىڭ تۋريستىك الەۋەتىن ارتتىرۋ ماقساتىندا ۇيىمداستىرىلعان شارا اياسىندا اۆتوكولىكتەر كورمەسى، اۋە شارلارىن ۇشىرۋ، قولونەرشىلەردىڭ شەبەرلىك ساعاتتارى، گاستورنوميالىق شوۋ، كونسەرتتىك باعدارلاما ۇسىنىلدى، دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
ءىس-شاراعا تۇركىستان وبلىسىنىڭ اكىمى دارحان ساتىبالدى قاتىسىپ، قولونەرشىلەر كورمەسىن ارالادى.
اۆتو فەست – بىرەگەي اۆتوكولىكتەر كورمەسىندە 200-گە جۋىق رەترو جانە تيۋنينگتەلگەن اۆتوكولىكتەردىڭ ەكسكليۋزيۆتى مودەلدەرى قويىلدى. قوناقتار ءارتۇرلى داۋىرلەر مەن ستيلدەردەگى ماشينالاردى تاماشالاپ، اۆتوشوۋلار مەن بايقاۋلارعا قاتىستى. اۆتوكولىكتەردىڭ ەرەكشە ديزايندارى، اۋديوجۇيەسى مەن تيۋنينگ جۇمىستارىنا ارنالعان بايقاۋ ءوتتى. كورەرمەندەردىڭ داۋىس بەرۋى ارقىلى ەڭ ۇزدىگى انىقتالىپ، ماراراتتالدى.
سونىمەن قاتار فەستيۆالدە اۋە شارلارىنىڭ شوۋى، پاراپلان جانە دەلتاپلان كومەگىمەن اسەرلى تۇتىندەر شوۋى ۇيىمداستىرىلدى. جاپپاي اسپانعا كوتەرىلگەن شارلار قوناقتارعا ەرەكشە سەزىم قالدىرعانى انىق. اۋە شارىن تەك تاماشالاپ قويماي، ۇشۋ مۇمكىندىگى دە قاراستىرىلدى.
قولەنەرشىلەر كەراميكا، اعاش جانە بىلعارىدان ۇلتتىق بۇيىمدار جاساۋ، كىلەم توقۋ، قىش قۇمىرالار دايىنداۋ بويىنشا ينتەراكتيۆتى ساباقتار ءوتتى.
تاعامدار كورمەسىندە جەرگىلىكتى ءدامحانالار مەن مەيرامحانالار وزدەرىنىڭ تاعامدارىن ۇسىنىپ، اسپازدار تاماق پىسىرۋدەن ماستەر-كلاسس كورسەتتى.
انيماتورلار، اكروباتتار مەن وت شوۋى تۋريستىك شارانى اسەرلەندىرە ءتۇستى. كەلۋشىلەر ءتۇرلى ويىندارعا، ۆيكتورينالارعا قاتىسىپ، ۋاقىتتى قىزىقتى وتكىزدى.
ءىس-شارا كونسەرتتىك باعدارلاماعا جالعاستى. كونسەرتتى تانىمال DJ Shami، DJ Macarella جانە حەدلاينەر Adil جانداندىردى. فەستيۆال ەكى كۇنگە جوسپارلانعان.
