Túrkistan oblysynyń ónerkásiptik áleýetin damytý maqsatynda birneshe iri jobalardy iske asyrý josparlanýda. Onyń biri – «Sastóbe» himiialyq kesheniniń qurylysy. Bul jobanyń biregeiligi – Qazaqstanda búgingi kúni uqsas zaýyt joq.
Atalǵan jobany iske asyrý Qazaqstandaǵy himiia salasyn damytýǵa zor serpin beredi. Zaýytta himiia ónimderi, kaýstikalyq soda, PVH, kaltsii karbidi, tsement óndirý isi qolǵa alynady. Joba quny – 136,6 mlrd teńge. 2023 jyly ashylatyn óndiris ornynda 1 000 adam turaqty jumyspen qamtylady.
Búgingi tańda, keshen qurylysyna jer ýchaskesi bólindi. Keshenge qajetti infraqurylymdy tartýǵa jobalaý-smetalyq qujattama ázirlendi. Infraqurylym qurylysyn «Biznestiń jol kartasy – 2025» baǵdarlamasy sheńberinde kezeń-kezeńimen qarjylandyrý máselesi sheshildi.
Kómir-himiialyq zaýyty synaq rejiminde iske qosyldy. 5 synypty motor otynyn jáne munai – himiia ónimderin óndirý úshin qýaty jylyna 100 myń tonna kómirsýtekti shikizatty qaita óńdeý jónindegi kómir – himiia kombinatynyń quny 3,1 mlrd teńge. 100-den astam jańa jumys orny ashyldy.
Fosfor kenderin óńdeý zaýytynyń qurylys-montajdaý jumystary ótkizý 2022 jylǵa josparlanyp otyr. Quny 129,9 mlrd.teńgeni quraidy. Zaýytta 1 myńnan astam jumys orny ashylady.
