Túrkistan oblysy aýmaǵynda jyl basynan túrli jaǵdaılarda 55 adamnyń sýǵa ketý jaǵdaıy tirkeldi. Onyń ishinde 25-i kámelet jasyna tolmaǵan balalar. Bul týraly ótken brıfıńte Túrkistan oblysy Tótenshe jaǵdaılar departamentiniń Azamattyq qorǵanys basqarmasynyń bastyǵy Orazgeldi Nurmahanuly baıandady.
– Túrkistan oblysy boıynsha arnaıy belgilengen oryndarda 16 jaǵajaı resmı túrde ashyldy. Sondaı-aq, arnaıy jáne resmı shomylýǵa arnalǵan oryndary joq eldi mekenderde 233 modýldi
2 karkasty baseınder ornatyldy. Sonymen qatar, azamattarǵa túsindirme jumystaryn júrgizý maqsatynda oblystaǵy BAQ ókilderimen birigip 673 shara uıymdastyryldy. Atap aıtqanda,
telearnada – 45, áleýmettik jelide – 108, gazet-jýrnalda– 284 maqala jarıalandy. Jyl basynan 2525 ret reıd jumystary júrgizilip,
nátıjesinde sýdaǵy qaýipsizdik qaǵıdalaryn buzǵan 151 jeke tulǵaǵa – 2 078 062 teńge, 3 zańdy tulǵaǵa jáne 3 kásipkerge – 235 920 teńge aıyppul salyndy, – dedi spıker.
