Búgingi tańda Túrkistan oblysynda shegirtke ziiankesine qarsy naqty 703 myń gektar dárilengen. Onyń ishinde, 367,7 myń gektary josparǵa sai júzege assa, 335,2 myń gektarynda qosymsha anyqtalǵan alqaptar boiynsha jumys demeýshilerdi uiymdastyrý arqyly atqaryldy,- dep habarlaidy Dalanews.kz
Búgin oblys ákiminiń orynbasary Nurbol Turashbekov jumys josparyna sáikes, Keles aýdanynda kezekti shtab májilisin ótkizdi.
Baqylaýshylar negizgi oshaqtardyń joiylǵanyn, endigi kezekte ekonomikalyq ziiandy shegine jetpeitin alqaptardy tazalaý jalǵasyp jatqanyn baiandady. Arystaǵy Qojatoǵai aýyl okrýginde Basqarbek sharýashylyǵynyń aimaǵy, Saryaǵash aýdanynda Álimtaý, Jylǵa, Darbaza aýyl okrýgteriniń belgilengen aimaqtary, Keleste Jideli aýylynyń jaiylym jerleri, Aqtóbe, Jambyl aýyl okrýgteriniń belgilengen aimaqtary kúndelikti qadaǵalanyp, qajettiligine qarai himiialyq óńdeý júrgizilýde. Báidibek aýdanynyń Jambyl oblysy, Sarysý aýdanymen shekaralas alqaptarynda kezekshi tehnikalar jumys atqarýda. Anyqtaýshylar monitoring nátijesimen, jalpy 437 gektar aimaqty zalalsyzdandyrýǵa usyndy.
Oblys ákiminiń orynbasary aýdandarda anyqtaýshylardyń qataryn tolyqtyrýdy tapsyrdy. Tehnikalardyń kezekshiligi turaqty qadaǵalaýda bolatynyn eskertti. Sondai-aq, jaýaptylarǵa kórshiles Ózbekstanmen shektesetin aimaqtardy kúndelikti baqylaýdy, zerdeleý nátijesiniń esebin kúndelikti tapsyrýdy júktedi.
