بٷگٸنگٸ تاڭدا تٷركٸستان وبلىسىندا شەگٸرتكە زييانكەسٸنە قارسى ناقتى 703 مىڭ گەكتار دەرٸلەنگەن. ونىڭ ٸشٸندە, 367,7 مىڭ گەكتارى جوسپارعا ساي جٷزەگە اسسا, 335,2 مىڭ گەكتارىندا قوسىمشا انىقتالعان القاپتار بويىنشا جۇمىس دەمەۋشٸلەردٸ ۇيىمداستىرۋ ارقىلى اتقارىلدى,- دەپ حابارلايدى Dalanews.kz
بٷگٸن وبلىس ەكٸمٸنٸڭ ورىنباسارى نۇربول تۇراشبەكوۆ جۇمىس جوسپارىنا سەيكەس, كەلەس اۋدانىندا كەزەكتٸ شتاب مەجٸلٸسٸن ٶتكٸزدٸ.
باقىلاۋشىلار نەگٸزگٸ وشاقتاردىڭ جويىلعانىن, ەندٸگٸ كەزەكتە ەكونوميكالىق زيياندى شەگٸنە جەتپەيتٸن القاپتاردى تازالاۋ جالعاسىپ جاتقانىن باياندادى. ارىستاعى قوجاتوعاي اۋىل وكرۋگٸندە باسقاربەك شارۋاشىلىعىنىڭ ايماعى, سارىاعاش اۋدانىندا ەلٸمتاۋ, جىلعا, داربازا اۋىل وكرۋگتەرٸنٸڭ بەلگٸلەنگەن ايماقتارى, كەلەستە جيدەلٸ اۋىلىنىڭ جايىلىم جەرلەرٸ, اقتٶبە, جامبىل اۋىل وكرۋگتەرٸنٸڭ بەلگٸلەنگەن ايماقتارى كٷندەلٸكتٸ قاداعالانىپ, قاجەتتٸلٸگٸنە قاراي حيمييالىق ٶڭدەۋ جٷرگٸزٸلۋدە. بەيدٸبەك اۋدانىنىڭ جامبىل وبلىسى, سارىسۋ اۋدانىمەن شەكارالاس القاپتارىندا كەزەكشٸ تەحنيكالار جۇمىس اتقارۋدا. انىقتاۋشىلار مونيتورينگ نەتيجەسٸمەن, جالپى 437 گەكتار ايماقتى زالالسىزداندىرۋعا ۇسىندى.
وبلىس ەكٸمٸنٸڭ ورىنباسارى اۋدانداردا انىقتاۋشىلاردىڭ قاتارىن تولىقتىرۋدى تاپسىردى. تەحنيكالاردىڭ كەزەكشٸلٸگٸ تۇراقتى قاداعالاۋدا بولاتىنىن ەسكەرتتٸ. سونداي-اق, جاۋاپتىلارعا كٶرشٸلەس ٶزبەكستانمەن شەكتەسەتٸن ايماقتاردى كٷندەلٸكتٸ باقىلاۋدى, زەردەلەۋ نەتيجەسٸنٸڭ ەسەبٸن كٷندەلٸكتٸ تاپسىرۋدى جٷكتەدٸ.
