Pilottyq jobanyń óndiristik baǵyty – júgerini organikalyq negizde ósirýge mańyz berý arqyly júgeriniń bir gektardan alynatyn ónimdiligin arttyrý, jáne himiialyq tyńaitqyshtardan bas tartyp tolyq organikalyq tásilge kóshý.
Mamandardyń aitýynsha, júgeri sharýashylyǵynda jer jyrtý, agrotehnikalardyń merziminde júrgizilmeýi, sapaly tuqymnyń azdyǵy, egis alqaptarynyń melorativtik jaǵdaiynyń tómendigi, aýyspaly egistiń saqtalmaýy jáne júgeriniń sapasynyń tómendigi ózekti máselege ainalǵan.
Búginde demonstratsiialyq alańdardy árbir eldi mekennen ashý josparlanǵan. Onyń ishinde Otyrar aýdany «Marǵulan» sharýa qojalyǵynyń bazasynda júgeri, baqsha daqyldaryn oganikalyq negizde ósirý jáne Jetisai aýdany «Eraliev» ShQ bazasynda jemis-jidek, júzim boiynsha ósirý kózdelgen. Sonymen qatar, Shardara aýdany «Hamit» AÓK sharýashylyq bazasynda balyq ósirý sharýashylyǵy jáne Saýran aýdany «Týran» AÓK sharýashylyǵy negizinde kooperatsiia tásilimen sharýalardy biriktirý arqyly súttiń kólemin jasap naryqqa shyǵarý josparlanǵan.
– Usynylyp otyrǵan joba eginshilik salasynda sharýalardyń agro-kásibi biliktikterin arttyrý arqyly básekege qabiletti ónim óndirý, mal sharýashylyǵy salasynda joǵalyp bara jatqan IQM genefondyn saqtap, tuqymdyq quramyn jaqsartý jáne jergilikti maldy negizge alyp asyldandyrý maqsatynda qolǵa alynǵan.
Atalǵan bazalyq sharýashylyqtar negizinde ozyq tehnologiialardy óndiriske engizý arqyly jańa úlgidegi tájiribeni taratý jáne mamandardy master klasstarǵa qatystyrý arqyly praktikalyq oqytý, agroqurylymdar bazasynda aýyl sharýashylyǵy qyzmetin jandandyrýdy kózdeitin jańa jobalardy iske asyrý tetikteri júrgiziletin bolady, – dedi «Agro keńes berý ortalyǵy» jobasynyń avtory, aýylsharýashylyq kesheni bólimi mamany Nurlybek Boranbaev.
Aita ketsek, «Agro keńes berý ortalyǵy» konsýltatsiialyq qyzmet kórsetý, agrotehnologiialar boiynsha jetekke alý, topyraqqa agrohimiialyq saraptama júrgizý qyzmetterin kórsetedi. Sondai-aq, eginshilik júiesine energoresýrstardy únemdeý agrotehnologiialaryn endirý jáne jetekke alý, aýyl sharýashylyq daqyldarynyń ziiankesteri men aýrýlaryna monitoring jasaý, kúresý joldaryn úiretý – basty nazarǵa alynǵan.
