Óńirimizde alǵashqy ret jobalyq keńseniń jekemenshik bilim ordalarynda ashylýy QR Memlekettik qyzmet isteri jáne sybailas jemqorlyqqa qarsy is-qimyl agenttiginiń Túrkistan oblysy boiynsha departamentiniń bastamashylyǵymen «Túrkistan – Adaldyq alańy» Jobasy aiasynda boldy.
Atap aitsaq, keńseniń biri Jetisai aýdanyndaǵy «Syrdariia» ýniversitetinde, al ekinshisi Sairam aýdanyndaǵy «Ońtústik Qazaqstan indýstrialdy-innovatsiialyq» kolledjinde ashyldy.
Jobanyń iske asyrylý negizi – bilim berý júiesinde sybailas jemqorlyqty joiý, bilim berý júiesi arqyly sybailas jemqorlyqtan bas tartý ortasyn qalyptastyrý bolyp tabylady.
Keńselerdiń ashylýyna departamenttiń bas mamany Ǵ.Júndibaev pen «Túrkistan – Adaldyq alańy» Jobalyq keńsesiniń mamany A.Saparbekov arnaiy qatysyp, Joba boiynsha túsindirme jumystaryn júrgizdi.
Is-shara barysynda bilim ordalarynyń basshylyǵy osyndai Jobalyq keńseni ózderiniń oqý oryndarynan ashýǵa usynys bildirgen. Departament basshylaryna alǵystaryn bildirip, bilim berý júiesindegi sybailas jemqorlyqqa qarsy mádenietti qalyptastyrýǵa óz úlesterin qosatynyn jetkizip, estelik sýretterge tústi.
Aita ketsek, búgingi kúni Agenttik tarapynan birqatar Jobalar iske asyrylýda, sonyń ishinde bilim berý uiymdarynda, iaǵni mektepterde «Adal urpaq», al kásiptik, tehnikalyq jáne joǵary oqý oryndarynda «Sanaly urpaq» keńseleri ashylyp, óz jumystaryn júrgizýde.
