وڭىرىمىزدە العاشقى رەت جوبالىق كەڭسەنىڭ جەكەمەنشىك ءبىلىم وردالارىندا اشىلۋى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتىنىڭ باستاماشىلىعىمەن «تۇركىستان – ادالدىق الاڭى» جوباسى اياسىندا بولدى.
اتاپ ايتساق، كەڭسەنىڭ ءبىرى جەتىساي اۋدانىنداعى «سىرداريا» ۋنيۆەرسيتەتىندە، ال ەكىنشىسى سايرام اۋدانىنداعى «وڭتۇستىك قازاقستان يندۋستريالدى-يننوۆاسيالىق» كوللەدجىندە اشىلدى.
جوبانىڭ ىسكە اسىرىلۋ نەگىزى – ءبىلىم بەرۋ جۇيەسىندە سىبايلاس جەمقورلىقتى جويۋ، ءبىلىم بەرۋ جۇيەسى ارقىلى سىبايلاس جەمقورلىقتان باس تارتۋ ورتاسىن قالىپتاستىرۋ بولىپ تابىلادى.
كەڭسەلەردىڭ اشىلۋىنا دەپارتامەنتتىڭ باس مامانى ع.جۇندىبايەۆ پەن «تۇركىستان – ادالدىق الاڭى» جوبالىق كەڭسەسىنىڭ مامانى ا.ساپاربەكوۆ ارنايى قاتىسىپ، جوبا بويىنشا تۇسىندىرمە جۇمىستارىن جۇرگىزدى.
ءىس-شارا بارىسىندا ءبىلىم وردالارىنىڭ باسشىلىعى وسىنداي جوبالىق كەڭسەنى وزدەرىنىڭ وقۋ ورىندارىنان اشۋعا ۇسىنىس بىلدىرگەن. دەپارتامەنت باسشىلارىنا العىستارىن ءبىلدىرىپ، ءبىلىم بەرۋ جۇيەسىندەگى سىبايلاس جەمقورلىققا قارسى مادەنيەتتى قالىپتاستىرۋعا ءوز ۇلەستەرىن قوساتىنىن جەتكىزىپ، ەستەلىك سۋرەتتەرگە ءتۇستى.
ايتا كەتسەك، بۇگىنگى كۇنى اگەنتتىك تاراپىنان ءبىرقاتار جوبالار ىسكە اسىرىلۋدا، سونىڭ ىشىندە ءبىلىم بەرۋ ۇيىمدارىندا، ياعني مەكتەپتەردە «ادال ۇرپاق»، ال كاسىپتىك، تەحنيكالىق جانە جوعارى وقۋ ورىندارىندا «سانالى ۇرپاق» كەڭسەلەرى اشىلىپ، ءوز جۇمىستارىن جۇرگىزۋدە.
