Ordabasy aýdanynda Qajymuqan Muńaitpasulynyń týǵanyna 154 jyl tolýyna orai «Qajymuqan – álem tanyǵan tulǵa» taqyrybyndaǵy mádeni is-shara ótti, dep habarlaidy Dalanews.kz
Mádeni shara kúsh atasy Qajymuqannyń eskertkishine gúl qoiý rásimimen bastaldy. Arnaiy rásimnen keiin aýdan ákimi Azat Oralbaev sóz sóilep, alyp tulǵanyń erlik eńbekterin eske túsirip, ony dáripteý maqsatyndaǵy sporttyq mádeni sharalarǵa toqtaldy. Palýan atamyzdyń ataǵyn pash etýde airyqsha aitatyn jait Qajymuqan Muńaitpasov atyndaǵy alyp ǵimarat mádeni-sport kesheniniń qurylysy aiaqtalyp, ashylýyna sanaýly kúnder qalǵanyn atap ótti.
Sodan keiin Qajymuqan babamyzdyń urpaqtary jáne sport qairatkerleri, aýyl ardagerleri onyń ónegesi jaily aityp, alyp atamyzdyń urpaǵy Eskermes Merýerttiń palýannyń ómir tarihyna arnalǵan baiandamasy tyńdaldy.
Sonymen qatar kúishi Qasymbek Sarymbetovtiń babamyzǵa arnalǵan «Qajymuqan» sazdy kúiiniń tusaýy kesilip, aýdannyń Qurmetti azamaty Qurmanáli Jylqybai jazǵan «Qajymuqan» ánimen túiindeldi.
Mádeni jiyn aiaqtalǵan soń kúsh atasynyń rýhyna arnap as berildi.
