Olai deitinimiz, bar-joǵy eki aptanyń ishinde 400-ge jýyq adamnyń densaýlyǵy nasharlap, dárigerlerdiń kómegine júginýge májbúr bolypty. Onyń 50-den astamy qazir jansaqtaý bóliminde em qabyldap jatyr, dep habarlaidy Dalanews.kz Eýraziia birinshi arnasyna silteme jasap.
Sońǵy eki aptanyń ózinde Túrkistan qalalyq ortalyq aýrýhanasyna 400-ge jýyq turǵyn densaýlyǵyna shaǵym aita kelipti. Dárigerlerge jetkizgenderden dene qyzýlarynyń kóterilip, jótel qysqany, boilarynan álsizdik baiqalǵan.
"Koronavirýsqa uqsas keletin derttiń sebebi qarapaiym" deidi aq halattylar. Kúndelikti turmystaǵy jeldetkishti durys paidalanbaýdan, sýǵa shomylý erejelerin saqtamaý siiaqty jaǵdailardan týyndaityn kórinedi. Qarapaiym-deimiz aý, saldary bolsa, qorqynyshty: 59 adam jansaqtaý bóliminde jan baǵyp jatyr.
Marat Pashimov, oblystyq qoǵamdyq densaýlyq basqarmasynyń basshysy:
"Aýrýhanaǵa túsken azamattarǵa shuǵyl túrde "Kovid-19" infektsiiasyna synamalar alynady. Nátijesi anyqtalǵanǵa deiin provizorlyq bólmede em qabyldaýda. Statistika boiynsha qazirgi tańǵa deiin Túrkistan oblysy boiynsha provizorlyq 303 naýqas pnevmoniiamen em qabyldaýda. Jalpy jazylyp shyqqan 87 azamat."
Pnevmoniiaǵa qarsy em qabyldap jatqan naýqastardyń biri - Áset Turarov. Derttiń belgileri 4 maýsymnan bastap bilinipti. Alǵashynda dene qyzýy 39 gradýsqa deiin kóterilgen. Birtindep taǵamǵa da tábeti joǵalypty. Áiteýir, tórtinshi kún degende beti beri qarap, palataǵa shyǵarylypty.
Áset Turarov, naýqas:
"Jótelý osynda 6-syna kelgennen keiin bastaldy. Oǵan deiin voobshe jótel bolǵan joq. Dem jetpeý de bolmady. tek qana temperatýra. Maza qashady, temperatýra. Appetit joq. Iis sezýden qaldym".
Al, oblystyń bas sanitarlyq dárigeri daýryǵatyn eshteńe joq dep otyr. Bul jyldaǵy úrdis deidi. Tipten, biyl ótken jyldyń 5 aiymen salystyrǵanda kórsetkishter tómendegenin aitady.
Nurbek Nyshanov, oblystyq taýarlar men kórsetiletin qyzmetter qaýipsizdigi men sapasyn baqylaý departamentiniń basshysy:
"Ol jyl on eki ai bolyp turady. Birneshe myńdaǵan adamdar shaldyǵady. Jumys ýaqytynda,basqa jaǵdaida tumaýratyp qaldym deidi ǵoi qazaqtyń sózinde. Tumaý emes ol biraq".
Degenmen, dárigirler ókpesi qabanǵandar azaidy eken dep qamsyz jatqan joqpyz deidi. Atalǵan dertke shaldyqqan naýqastardyń jiileýine bailanysty Kentaý qalasynan qosymsha 50, al Túrkistannan 30 oryn ázirlenipti.
https://youtu.be/KOpUVxuLDEA
