ولاي دەيتٸنٸمٸز, بار-جوعى ەكٸ اپتانىڭ ٸشٸندە 400-گە جۋىق ادامنىڭ دەنساۋلىعى ناشارلاپ, دەرٸگەرلەردٸڭ كٶمەگٸنە جٷگٸنۋگە مەجبٷر بولىپتى. ونىڭ 50-دەن استامى قازٸر جانساقتاۋ بٶلٸمٸندە ەم قابىلداپ جاتىر, دەپ حابارلايدى Dalanews.kz ەۋرازييا بٸرٸنشٸ ارناسىنا سٸلتەمە جاساپ.
سوڭعى ەكٸ اپتانىڭ ٶزٸندە تٷركٸستان قالالىق ورتالىق اۋرۋحاناسىنا 400-گە جۋىق تۇرعىن دەنساۋلىعىنا شاعىم ايتا كەلٸپتٸ. دەرٸگەرلەرگە جەتكٸزگەندەردەن دەنە قىزۋلارىنىڭ كٶتەرٸلٸپ, جٶتەل قىسقانى, بويلارىنان ەلسٸزدٸك بايقالعان.
"كوروناۆيرۋسقا ۇقساس كەلەتٸن دەرتتٸڭ سەبەبٸ قاراپايىم" دەيدٸ اق حالاتتىلار. كٷندەلٸكتٸ تۇرمىستاعى جەلدەتكٸشتٸ دۇرىس پايدالانباۋدان, سۋعا شومىلۋ ەرەجەلەرٸن ساقتاماۋ سيياقتى جاعدايلاردان تۋىندايتىن كٶرٸنەدٸ. قاراپايىم-دەيمٸز اۋ, سالدارى بولسا, قورقىنىشتى: 59 ادام جانساقتاۋ بٶلٸمٸندە جان باعىپ جاتىر.
مارات پاشيموۆ, وبلىستىق قوعامدىق دەنساۋلىق باسقارماسىنىڭ باسشىسى:
"اۋرۋحاناعا تٷسكەن ازاماتتارعا شۇعىل تٷردە "كوۆيد-19" ينفەكتسيياسىنا سىنامالار الىنادى. نەتيجەسٸ انىقتالعانعا دەيٸن پروۆيزورلىق بٶلمەدە ەم قابىلداۋدا. ستاتيستيكا بويىنشا قازٸرگٸ تاڭعا دەيٸن تٷركٸستان وبلىسى بويىنشا پروۆيزورلىق 303 ناۋقاس پنەۆمونييامەن ەم قابىلداۋدا. جالپى جازىلىپ شىققان 87 ازامات."
پنەۆمونيياعا قارسى ەم قابىلداپ جاتقان ناۋقاستاردىڭ بٸرٸ - ەسەت تۇراروۆ. دەرتتٸڭ بەلگٸلەرٸ 4 ماۋسىمنان باستاپ بٸلٸنٸپتٸ. العاشىندا دەنە قىزۋى 39 گرادۋسقا دەيٸن كٶتەرٸلگەن. بٸرتٸندەپ تاعامعا دا تەبەتٸ جوعالىپتى. ەيتەۋٸر, تٶرتٸنشٸ كٷن دەگەندە بەتٸ بەرٸ قاراپ, پالاتاعا شىعارىلىپتى.
ەسەت تۇراروۆ, ناۋقاس:
"جٶتەلۋ وسىندا 6-سىنا كەلگەننەن كەيٸن باستالدى. وعان دەيٸن ۆووبششە جٶتەل بولعان جوق. دەم جەتپەۋ دە بولمادى. تەك قانا تەمپەراتۋرا. مازا قاشادى, تەمپەراتۋرا. اپپەتيت جوق. يٸس سەزۋدەن قالدىم".
ال, وبلىستىڭ باس سانيتارلىق دەرٸگەرٸ داۋرىعاتىن ەشتەڭە جوق دەپ وتىر. بۇل جىلداعى ٷردٸس دەيدٸ. تٸپتەن, بيىل ٶتكەن جىلدىڭ 5 ايىمەن سالىستىرعاندا كٶرسەتكٸشتەر تٶمەندەگەنٸن ايتادى.
نۇربەك نىشانوۆ, وبلىستىق تاۋارلار مەن كٶرسەتٸلەتٸن قىزمەتتەر قاۋٸپسٸزدٸگٸ مەن ساپاسىن باقىلاۋ دەپارتامەنتٸنٸڭ باسشىسى:
"ول جىل ون ەكٸ اي بولىپ تۇرادى. بٸرنەشە مىڭداعان ادامدار شالدىعادى. جۇمىس ۋاقىتىندا,باسقا جاعدايدا تۇماۋراتىپ قالدىم دەيدٸ عوي قازاقتىڭ سٶزٸندە. تۇماۋ ەمەس ول بٸراق".
دەگەنمەن, دەرٸگٸرلەر ٶكپەسٸ قابانعاندار ازايدى ەكەن دەپ قامسىز جاتقان جوقپىز دەيدٸ. اتالعان دەرتكە شالدىققان ناۋقاستاردىڭ جيٸلەۋٸنە بايلانىستى كەنتاۋ قالاسىنان قوسىمشا 50, ال تٷركٸستاننان 30 ورىن ەزٸرلەنٸپتٸ.
https://youtu.be/KOpUVxuLDEA
