Abaı ýnıversıtetiniń bastamasymen 2022 jyly ómirge kelgen «Pedagogıkalyq synyp» jobasy búginde óz jemisin berip keledi. Óıtkeni bul joba orta mektep túlekterin kásibı turǵyda ózin-ózi damytýǵa jáne úzdiksiz pedagogıkalyq bilim berý júıesine baǵyttalǵan pedagogıkalyq mamandyq týraly túsinikteri qalyptastyrýyna zor múmkindik beredi. Iaǵnı bolashaq maman mektep qabyrǵasynda júrip, ózin bolashaq pedagog retinde qalyptastyra alady.
Osy maqsatta jáne orta mektep muǵalimderine oqý-ádistemelik quraldardy ázirleý men rásimdeý boıynsha ádistemelik qoldaý kórsetý úshin Túrkistan oblysy Bilim basqarmasynyń Kentaý qalasy bilim bóliminiń basshysy A.Aýelbekovtyń jáne Kentaý qalalyq bilim bóliminiń ádistemelik kabınet meńgerýshisi A.A.Maqulbekovamen birlesken semınar 2025 jyldyń 13 aqpanynda Iý. Gagarın atyndaǵy №16 mektep-lıseı bazasynda ótti.
Semınarǵa Abaı ýnıversıtetiniń Akademıalyq máseleler jónindegi departament dırektory Haırýlla Janbekov pen pedagogıka kafedrasynyń profesory Baýyrjan Seıdahmetov qatysty. Semınar barysynda ýnıversıtet ókilderi qalalyq bilim bólimine qarasty mektep basshylary, pán muǵalimderi, kásibı baǵdar pedagogterimen kezdesý ótkizdi. Sondaı-aq Kentaý qalasynyń 23 mektebinde 23 proforıentolog muǵalimderi pedagogıkalyq synyp boıynsha 36 saǵat biliktilik kýrsynan ótti. Sonymen qatar osy joba aıasynda 10-11 synyptyń 350 oqýshysy pedagogıkalyq synypta bilim alýda.
«Pedagogıkalyq synyp – bul jaı ǵana joba emes, ol muǵalimderdiń jańa formasıadaǵy pedagogıkalyq kadrlardy qalyptastyrýdyń negizi», - dedi Haırýlla Janbekov.
İs-sharada pedagogıkalyq synyptardyń atqaratyn jumystary, bolashaq pedagog mamandardy birlesip daıarlaý boıynsha baıandama jasalyp, trenıń ótkizildi. Ustazdar pedagogıkalyq qarym-qatynastyń, jobalaý men tárbıe qyzmetin uıymdastyrýdyń erekshelikteri men «Pedagogıkalyq synypty» qurý jobasy jáne rýhanı tazalyq ustanymdarymen tanysty.
Profesor Haırýlla Janbekov 2025 jyldyń 6-12 aqpan aralyǵynda «Pedagogıkalyq synyptaǵy «Pedagog mamandyǵyna kirispe» fakúltatıv pániniń teorıasy men tájirıbesi» taqyrybynda biliktilikti arttyrý kýrsynan ótken kásibı baǵdar pedagogterine sertıfıkat tabystap, ıgi bastamaǵa sáttilik tiledi. Semınar sońynda Pedagogıkalyq synyp jobasy aıasynda bilim alyp jatqan oqýshylarmen semınar trenıńter uıymdastyryldy.
Joba jańa bilikti mamandardy daıyndaý arqyly ustazdyq kásiptiń damýyna óz úlesin qosýdy jalǵastyryp keledi.
