اباي ۋنيۆەرسيتەتىنىڭ باستاماسىمەن 2022 جىلى ومىرگە كەلگەن «پەداگوگيكالىق سىنىپ» جوباسى بۇگىندە ءوز جەمىسىن بەرىپ كەلەدى. ويتكەنى بۇل جوبا ورتا مەكتەپ تۇلەكتەرىن كاسىبي تۇرعىدا ءوزىن-وزى دامىتۋعا جانە ۇزدىكسىز پەداگوگيكالىق ءبىلىم بەرۋ جۇيەسىنە باعىتتالعان پەداگوگيكالىق ماماندىق تۋرالى تۇسىنىكتەرى قالىپتاستىرۋىنا زور مۇمكىندىك بەرەدى. ياعني بولاشاق مامان مەكتەپ قابىرعاسىندا ءجۇرىپ، ءوزىن بولاشاق پەداگوگ رەتىندە قالىپتاستىرا الادى.

وسى ماقساتتا جانە ورتا مەكتەپ مۇعالىمدەرىنە وقۋ-ادىستەمەلىك قۇرالداردى ازىرلەۋ مەن راسىمدەۋ بويىنشا ادىستەمەلىك قولداۋ كورسەتۋ ءۇشىن تۇركىستان وبلىسى ءبىلىم باسقارماسىنىڭ كەنتاۋ قالاسى ءبىلىم ءبولىمىنىڭ باسشىسى ا.اۋەلبەكوۆتىڭ جانە كەنتاۋ قالالىق ءبىلىم ءبولىمىنىڭ ادىستەمەلىك كابينەت مەڭگەرۋشىسى ا.ا.ماقۇلبەكوۆامەن بىرلەسكەن سەمينار 2025 جىلدىڭ 13 اقپانىندا يۋ. گاگارين اتىنداعى №16 مەكتەپ-ليسەي بازاسىندا ءوتتى.

سەمينارعا اباي ۋنيۆەرسيتەتىنىڭ اكادەميالىق ماسەلەلەر جونىندەگى دەپارتامەنت ديرەكتورى حايرۋللا جانبەكوۆ پەن پەداگوگيكا كافەدراسىنىڭ پروفەسسورى باۋىرجان سەيداحمەتوۆ قاتىستى. سەمينار بارىسىندا ۋنيۆەرسيتەت وكىلدەرى قالالىق ءبىلىم بولىمىنە قاراستى مەكتەپ باسشىلارى، ءپان مۇعالىمدەرى، كاسىبي باعدار پەداگوگتەرىمەن كەزدەسۋ وتكىزدى. سونداي-اق كەنتاۋ قالاسىنىڭ 23 مەكتەبىندە 23 پروفوريەنتولوگ مۇعالىمدەرى پەداگوگيكالىق سىنىپ بويىنشا 36 ساعات بىلىكتىلىك كۋرسىنان ءوتتى. سونىمەن قاتار وسى جوبا اياسىندا 10-11 سىنىپتىڭ 350 وقۋشىسى پەداگوگيكالىق سىنىپتا ءبىلىم الۋدا.

«پەداگوگيكالىق سىنىپ – بۇل جاي عانا جوبا ەمەس، ول مۇعالىمدەردىڭ جاڭا فورماسياداعى پەداگوگيكالىق كادرلاردى قالىپتاستىرۋدىڭ نەگىزى»، - دەدى حايرۋللا جانبەكوۆ.

ءىس-شارادا پەداگوگيكالىق سىنىپتاردىڭ اتقاراتىن جۇمىستارى، بولاشاق پەداگوگ مامانداردى بىرلەسىپ دايارلاۋ بويىنشا بايانداما جاسالىپ، ترەنينگ وتكىزىلدى. ۇستازدار پەداگوگيكالىق قارىم-قاتىناستىڭ، جوبالاۋ مەن تاربيە قىزمەتىن ۇيىمداستىرۋدىڭ ەرەكشەلىكتەرى مەن «پەداگوگيكالىق سىنىپتى» قۇرۋ جوباسى جانە رۋحاني تازالىق ۇستانىمدارىمەن تانىستى.

پروفەسسور حايرۋللا جانبەكوۆ 2025 جىلدىڭ 6-12 اقپان ارالىعىندا «پەداگوگيكالىق سىنىپتاعى «پەداگوگ ماماندىعىنا كىرىسپە» فاكۋلتاتيۆ ءپانىنىڭ تەورياسى مەن تاجىريبەسى» تاقىرىبىندا بىلىكتىلىكتى ارتتىرۋ كۋرسىنان وتكەن كاسىبي باعدار پەداگوگتەرىنە سەرتيفيكات تابىستاپ، يگى باستاماعا ساتتىلىك تىلەدى. سەمينار سوڭىندا پەداگوگيكالىق سىنىپ جوباسى اياسىندا ءبىلىم الىپ جاتقان وقۋشىلارمەن سەمينار ترەنينگتەر ۇيىمداستىرىلدى.

جوبا جاڭا بىلىكتى مامانداردى دايىنداۋ ارقىلى ۇستازدىق كاسىپتىڭ دامۋىنا ءوز ۇلەسىن قوسۋدى جالعاستىرىپ كەلەدى.