Túrkistan oblysynda Ortalyq Aziiada teńdesi joq biogaz qondyrǵylary jumys isteidi
Qazaqstandaǵy biregei joba Elbasymyzdyń jarlyǵymen qabyldanǵan «Jasyl ekonomikaǵa kóshý tujyrymdamasyn» oryndaý maqsatynda iske asyrylǵanyn aita ketýimiz kerek. Bul joba ótken jyly ótken EKSPO-2017 halyqaralyq mamandandyrylǵan kórmesine Túrkistan oblysynyń jetistigi retinde usynylyp, kópshiliktiń qoldaýyna ie bolǵany esimizde.
Kásiporyn chehiialyq «HEDVIGA GROUP» kompaniiasymen birlesip salynǵan. Mundaǵy tehnologiianyń ereksheligi qalanyń sarqyndy sýlardy tazalaý imaratynan shyqqan shógindilerdi óńdep, odan biogaz alady. Óndiris oshaǵy iske qosylǵaly beri bul tehnologiia syrtqy ortanyń lastanýyn edáýir tómendetip, oblystyń ekologiialyq jaqsarýyna birshama úles qosqan.
Jalpy oblysta jańǵyrmaly energiia kózderi salasyn damytý basty nazarǵa alynǵan. Mysaly, Túrkistan oblysta jalpy qýaty 183,9 megavatt bolatyn 14 jobany iske asyrý josparlanǵan. Búginde onyń 4 jobasy júzege asqan. «Sý resýrstary – marketing» seriktestiginiń bastmasymen quny 2 mlrd. 200 mln. teńge bolatyn joba iske asty. Bul joba boiynsha qaldyqtardy óńdeý arqyly táýligine 300 m3 metandy gazdy (biogaz) óndiredi. Munda turaqty jumys ornymen 20 adam qamtylǵan. Sonymen qatar, óndirilgen energiia kásiporynnyń jylý energiiasyna qajettiligin tolyǵymen, al elektr energiiasyna qajettiliginiń 50 paiyzyn jaýyp otyr.
Túrkistan oblysy ákiminiń baspasóz qyzmeti
