قازاقستانداعى بىرەگەي جوبا ەلباسىمىزدىڭ جارلىعىمەن قابىلدانعان «جاسىل ەكونوميكاعا كوشۋ تۇجىرىمداماسىن» ورىنداۋ ماقساتىندا ىسكە اسىرىلعانىن ايتا كەتۋىمىز كەرەك. بۇل جوبا وتكەن جىلى وتكەن ەكسپو-2017 حالىقارالىق مامانداندىرىلعان كورمەسىنە تۇركىستان وبلىسىنىڭ جەتىستىگى رەتىندە ۇسىنىلىپ، كوپشىلىكتىڭ قولداۋىنا يە بولعانى ەسىمىزدە.
كاسىپورىن چەحيالىق «HEDVIGA GROUP» كومپانياسىمەن بىرلەسىپ سالىنعان. مۇنداعى تەحنولوگيانىڭ ەرەكشەلىگى قالانىڭ سارقىندى سۋلاردى تازالاۋ يماراتىنان شىققان شوگىندىلەردى وڭدەپ، ودان بيوگاز الادى. ءوندىرىس وشاعى ىسكە قوسىلعالى بەرى بۇل تەحنولوگيا سىرتقى ورتانىڭ لاستانۋىن ەداۋىر تومەندەتىپ، وبلىستىڭ ەكولوگيالىق جاقسارۋىنا ءبىرشاما ۇلەس قوسقان.
جالپى وبلىستا جاڭعىرمالى ەنەرگيا كوزدەرى سالاسىن دامىتۋ باستى نازارعا الىنعان. مىسالى، تۇركىستان وبلىستا جالپى قۋاتى 183،9 مەگاۆاتت بولاتىن 14 جوبانى ىسكە اسىرۋ جوسپارلانعان. بۇگىندە ونىڭ 4 جوباسى جۇزەگە اسقان. «سۋ رەسۋرستارى – ماركەتينگ» سەرىكتەستىگىنىڭ باستماسىمەن قۇنى 2 ملرد. 200 ملن. تەڭگە بولاتىن جوبا ىسكە استى. بۇل جوبا بويىنشا قالدىقتاردى وڭدەۋ ارقىلى تاۋلىگىنە 300 م3 مەتاندى گازدى (بيوگاز) وندىرەدى. مۇندا تۇراقتى جۇمىس ورنىمەن 20 ادام قامتىلعان. سونىمەن قاتار، وندىرىلگەن ەنەرگيا كاسىپورىننىڭ جىلۋ ەنەرگياسىنا قاجەتتىلىگىن تولىعىمەن، ال ەلەكتر ەنەرگياسىنا قاجەتتىلىگىنىڭ 50 پايىزىن جاۋىپ وتىر.
تۇركىستان وبلىسى اكىمىنىڭ باسپا ءسوز قىزمەتى
