Búginde ara qashyqtyǵy 10 shaqyrymǵa jýyqtaıtyn «Kentaý-Baıyldyr» baǵytynda 2 jańa shaǵyn avtobýs jumysqa kiristi. Avtobýstar 15-20 mınýt aralyǵynda júredi. Jol aqysy – 60 teńge.
Turǵyndar der kezinde ótinishke qulaq asyp, máseleni sheshýge muryndyq bolǵan nurotandyq depýtattarǵa rızashylyqtaryn bildirdi. Osylaısha, saılaýaldy baǵdarlamanyń Jol kartasy boıynsha óńirde qoǵamdyq kólikterdi jańǵyrtý baǵytyndaǵy jumystar bastalyp ketti.
Túrkistan oblysynda barlyq deńgeıdegi máslıhattardaǵy 320 mandattyń 263-in «Nur Otan» partıasynyń ókilderi ıelengen. Búginde jetekshi partıa fraksıasynyń ókilderi «Ózgerister joly: ár azamatqa laıyqty ómir!» saılaýaldy baǵdarlamasyn oryndaý baǵytynda naqty jumystar atqaryp jatyr.
Sondaı izgi istiń biri Túrkistan oblysy, Qazyǵurt aýdanynda atqaryldy. Aýdandyq máslıhattyń jas ári isker depýtaty Danıar Kóbeev aýdandaǵy Qonaev pen Janysbekov kósheleriniń qıylysyndaǵy jaıaý júrginshiler kópirin óz qarajatyna qaıta jóndeýden ótkizdi.
Júrýge qaýipti ári eski kópir jańartyldy. Qazyǵurt aýdanynyń bas ımamy Murat Álimbekovtiń bastamasyn qoldaǵan jas depýtattyń ıgi qadamyn Túrkistan oblysynyń bas ımamy Erkebulan Qaraqulov ta joǵary baǵalady.
Jalpy Qazyǵurt aýdanynda «Nur Otan» fraksıasynyń depýtattary óte belsendi jumys atqaryp jatyr. Buǵan deıin de máslıhat depýtattarynyń kómegimen birneshe otbasyǵa naqty kómek kórsetilip, ótinishter oń sheshilgen bolatyn.
«Nur Otan» partıasy Túrkistan oblystyq fılıalynyń baspasóz qyzmeti
