بۇگىندە ارا قاشىقتىعى 10 شاقىرىمعا جۋىقتايتىن «كەنتاۋ-بايىلدىر» باعىتىندا 2 جاڭا شاعىن اۆتوبۋس جۇمىسقا كىرىستى. اۆتوبۋستار 15-20 مينۋت ارالىعىندا جۇرەدى. جول اقىسى – 60 تەڭگە.
تۇرعىندار دەر كەزىندە وتىنىشكە قۇلاق اسىپ، ماسەلەنى شەشۋگە مۇرىندىق بولعان نۇروتاندىق دەپۋتاتتارعا ريزاشىلىقتارىن ءبىلدىردى. وسىلايشا، سايلاۋالدى باعدارلامانىڭ جول كارتاسى بويىنشا وڭىردە قوعامدىق كولىكتەردى جاڭعىرتۋ باعىتىنداعى جۇمىستار باستالىپ كەتتى.
تۇركىستان وبلىسىندا بارلىق دەڭگەيدەگى ءماسليحاتتارداعى 320 مانداتتىڭ 263ء-ىن «Nur Otan» پارتياسىنىڭ وكىلدەرى يەلەنگەن. بۇگىندە جەتەكشى پارتيا فراكسياسىنىڭ وكىلدەرى «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىن ورىنداۋ باعىتىندا ناقتى جۇمىستار اتقارىپ جاتىر.
سونداي ىزگى ءىستىڭ ءبىرى تۇركىستان وبلىسى، قازىعۇرت اۋدانىندا اتقارىلدى. اۋداندىق ءماسليحاتتىڭ جاس ءارى ىسكەر دەپۋتاتى دانيار كوبەيەۆ اۋدانداعى قونايەۆ پەن جانىسبەكوۆ كوشەلەرىنىڭ قيىلىسىنداعى جاياۋ جۇرگىنشىلەر كوپىرىن ءوز قاراجاتىنا قايتا جوندەۋدەن وتكىزدى.
جۇرۋگە ءقاۋىپتى ءارى ەسكى كوپىر جاڭارتىلدى. قازىعۇرت اۋدانىنىڭ باس يمامى مۇرات الىمبەكوۆتىڭ باستاماسىن قولداعان جاس دەپۋتاتتىڭ يگى قادامىن تۇركىستان وبلىسىنىڭ باس يمامى ەركەبۇلان قاراقۇلوۆ تا جوعارى باعالادى.
جالپى قازىعۇرت اۋدانىندا «Nur Otan» فراكسياسىنىڭ دەپۋتاتتارى وتە بەلسەندى جۇمىس اتقارىپ جاتىر. بۇعان دەيىن دە ءماسليحات دەپۋتاتتارىنىڭ كومەگىمەن بىرنەشە وتباسىعا ناقتى كومەك كورسەتىلىپ، وتىنىشتەر وڭ شەشىلگەن بولاتىن.
«Nur Otan» پارتياسى تۇركىستان وبلىستىق فيليالىنىڭ باسپا ءسوز قىزمەتى
