– Jetekshi partiia elimizge ekonomikalyq serpilis beretin memlekettik baǵdarlamalardyń qabyldanýyna tikelei septigin tigizdi. Tuńǵysh ret praimeriz ótkizip, depýtattyq rezerv daiyndaýdyń jańa jobasyn júzege asyrdy. Degenmen jańartý, ózgertý jumystary jalǵasýy tiis. El Prezidenti, partiia Tóraǵasy Qasym-Jomart Kemeluly Toqaev «Partiianyń barlyq jumysyn túbegeili qaita qurý kerek» dep modernizatsiianyń basty 7 printspin atady. «Jańa Qazaqstandy» qurý jolynda «Nur Otan» partiiasynyń áleýetin qoldana otyryp, úles qosýdy mindettedi, – degen oblystyq filial tóraǵasy azamattarǵa úlken jaýapkershilik júktelip otyrǵanyn jetkizdi.
Saiasi keńes otyrysynda «Nur Otan» partiiasynyń kezekten tys HHII sezine Túrkistan oblysynan delegattar sailandy. Aldaǵy 1 naýryzda ótkiziletin sezde partiia jumysyn jańǵyrtý basymdyqtary talqylanbaq.
«Nur Otan» partiiasy Túrkistan oblystyq filialy tóraǵasynyń birinshi orynbasary, fraktsiia jetekshisi Beisen Tájibaev delegattar tizimin jariialap, atqarylǵan jumystar men aldaǵy mejelerge toqtaldy.
– El Prezidenti, partiia Tóraǵasy Qasym-Jomart Toqaev «Nur Otan» Qazaqstannyń progressivti ózgeristeri men jańarýynyń naǵyz qozǵaýshy kúshi bolyp, ony iske asyrýǵa belsene aralasýy tiis. Biraq bul úshin «Nur Otan» ózi jańarýy tiis» dep partiialyq jańǵyrýdyń negizgi baǵyttaryn jariialady. Osy oraida partiialyq uiymdarda jinalystar ótkizilip, usynystar jinaqtalyp, ortalyqqa joldandy, – dedi B.Tájibaev.
2021 jyly Túrkistan óńirindegi partiianyń qabyldaý bólmelerine 22600-den asa aryz-ótinish kelip túsken. Bul – elimiz boiynsha eń úlken kórsetkish. Qaraý nátijeleri boiynsha 70%-y óz sheshimin tapty. Endi oblystyq filial barlyq memlekettik organdar men depýtattardyń áleýetin jumyldyryp, kelip túsken shaǵymdardyń oń sheshilýiniń tiimdiligin arttyrýdy kózdep otyr. «Ózgerister joly: Ár azamatqa laiyqty ómir!» atty sailaýaldy baǵdarlamasyn iske asyrý jónindegi Jol kartalary bekitilip, júzege asyrylýda. 2021 jyly Túrkistan oblysynda oryndalýy tiis 1597 is-sharanyń 1519-y (95%) oryndalǵan.
