– جەتەكشٸ پارتييا ەلٸمٸزگە ەكونوميكالىق سەرپٸلٸس بەرەتٸن مەملەكەتتٸك باعدارلامالاردىڭ قابىلدانۋىنا تٸكەلەي سەپتٸگٸن تيگٸزدٸ. تۇڭعىش رەت پرايمەريز ٶتكٸزٸپ, دەپۋتاتتىق رەزەرۆ دايىنداۋدىڭ جاڭا جوباسىن جٷزەگە اسىردى. دەگەنمەن جاڭارتۋ, ٶزگەرتۋ جۇمىستارى جالعاسۋى تيٸس. ەل پرەزيدەنتٸ, پارتييا تٶراعاسى قاسىم-جومارت كەمەلۇلى توقاەۆ «پارتييانىڭ بارلىق جۇمىسىن تٷبەگەيلٸ قايتا قۇرۋ كەرەك» دەپ مودەرنيزاتسييانىڭ باستى 7 پرينتسپٸن اتادى. «جاڭا قازاقستاندى» قۇرۋ جولىندا «Nur Otan» پارتيياسىنىڭ ەلەۋەتٸن قولدانا وتىرىپ, ٷلەس قوسۋدى مٸندەتتەدٸ, – دەگەن وبلىستىق فيليال تٶراعاسى ازاماتتارعا ٷلكەن جاۋاپكەرشٸلٸك جٷكتەلٸپ وتىرعانىن جەتكٸزدٸ.
ساياسي كەڭەس وتىرىسىندا «Nur Otan» پارتيياسىنىڭ كەزەكتەن تىس ححٸٸ سەزٸنە تٷركٸستان وبلىسىنان دەلەگاتتار سايلاندى. الداعى 1 ناۋرىزدا ٶتكٸزٸلەتٸن سەزدە پارتييا جۇمىسىن جاڭعىرتۋ باسىمدىقتارى تالقىلانباق.
«Nur Otan» پارتيياسى تٷركٸستان وبلىستىق فيليالى تٶراعاسىنىڭ بٸرٸنشٸ ورىنباسارى, فراكتسييا جەتەكشٸسٸ بەيسەن تەجٸباەۆ دەلەگاتتار تٸزٸمٸن جارييالاپ, اتقارىلعان جۇمىستار مەن الداعى مەجەلەرگە توقتالدى.
– ەل پرەزيدەنتٸ, پارتييا تٶراعاسى قاسىم-جومارت توقاەۆ «Nur Otan» قازاقستاننىڭ پروگرەسسيۆتٸ ٶزگەرٸستەرٸ مەن جاڭارۋىنىڭ ناعىز قوزعاۋشى كٷشٸ بولىپ, ونى ٸسكە اسىرۋعا بەلسەنە ارالاسۋى تيٸس. بٸراق بۇل ٷشٸن «Nur Otan» ٶزٸ جاڭارۋى تيٸس» دەپ پارتييالىق جاڭعىرۋدىڭ نەگٸزگٸ باعىتتارىن جارييالادى. وسى ورايدا پارتييالىق ۇيىمداردا جينالىستار ٶتكٸزٸلٸپ, ۇسىنىستار جيناقتالىپ, ورتالىققا جولداندى, – دەدٸ ب.تەجٸباەۆ.
2021 جىلى تٷركٸستان ٶڭٸرٸندەگٸ پارتييانىڭ قابىلداۋ بٶلمەلەرٸنە 22600-دەن اسا ارىز-ٶتٸنٸش كەلٸپ تٷسكەن. بۇل – ەلٸمٸز بويىنشا ەڭ ٷلكەن كٶرسەتكٸش. قاراۋ نەتيجەلەرٸ بويىنشا 70%-ى ٶز شەشٸمٸن تاپتى. ەندٸ وبلىستىق فيليال بارلىق مەملەكەتتٸك ورگاندار مەن دەپۋتاتتاردىڭ ەلەۋەتٸن جۇمىلدىرىپ, كەلٸپ تٷسكەن شاعىمداردىڭ وڭ شەشٸلۋٸنٸڭ تيٸمدٸلٸگٸن ارتتىرۋدى كٶزدەپ وتىر. «ٶزگەرٸستەر جولى: ەر ازاماتقا لايىقتى ٶمٸر!» اتتى سايلاۋالدى باعدارلاماسىن ٸسكە اسىرۋ جٶنٸندەگٸ جول كارتالارى بەكٸتٸلٸپ, جٷزەگە اسىرىلۋدا. 2021 جىلى تٷركٸستان وبلىسىندا ورىندالۋى تيٸس 1597 ٸس-شارانىڭ 1519-ى (95%) ورىندالعان.
