Túrkistan oblysynyń ákimi Nuralhan Kósherov Ordabasy aýdanyna is-sapary barysynda munai óńdeý zaýytynda bolyp, jumysymen tanysty. Aýdanda óndiristi damytýǵa kúsh salynǵan. Óńir basshysy osy baǵyttaǵy jumystarǵa basymdyq berýdi tapsyrdy,- dep habarlaidy Dalanews.kz
Ordabasy aýdanynda «Standard Petroleum & Co» JShS-niń munai óńdeý zaýytynyń birinshi kezeńin jyl sońynda iske qosý josparlanǵan. Óndiris ornynda 300 adam turaqty jumys ornymen qamtylmaq.
Qýattylyǵy jylyna 2,0 mln. tonnany quraityn iri jobanyń investitsiia quny 130,0 mlrd. teńge. Búginde qurylys-montaj jumystary qarqyndy júrgizilýde. Ákimshilik jáne zaýyt aldy aimaǵynda jalpy qurylys jumystary aiaqtalyp, tehnologiialyq jabdyqtar ornatylýda. Biýdjettik qarajat esebinen barlyq qajetti infraqurylym tartylǵan. 1,2 km avtojol jáne 14 km temirjol tóselip, paidalanýǵa berilgen.
Jospar boiynsha mańyzdy investitsiialyq jobanyń II kezeńi 2026 jyldyń sońyna deiin tolyq aiaqtalady. Jańa munai óńdeý zaýytynda jylyna 377,8 myń tonna Eýro-5 benzini, 426 myń tonna Eýro-6 dizeli óndiriledi. Óńir ekonomikasyn damytýdaǵy mańyzdy baǵyttardyń biri – investitsiia tartý. 2 jylda Túrkistan oblysynyń ekonomikasyna 2 trln teńgeden astam investitsiia tartylyp, ósimniń oń dinamikasy qalyptasty. Jyl basynan 196,5 mlrd. teńge investitsiia tartyldy.
Oblys ekonomikasynyń damýyna tyń serpin beretin jáne 2025-2028 jyldary júzege asyrylatyn 110 investitsiialyq joba pýly qalyptastyryldy. Jobalardyń jalpy quny – 2,3 trln. teńge. 19 783 jumys ornyn ashyp, qosymsha 84 mlrd. teńge salyq túsirý kózdelgen. Onyń ishinde, biyl 322 mlrd. teńgege 57 investitsiialyq jobany iske qosyp, 6908 jumys ornyn qurý josparlanýda.
