Túrkistan oblysynda bastaýysh synyp oqýshylary bir rettik ystyq tamaqpen tolyqtai qamtamasyz etilgen. Jalpy 2024 jyly óńirde 220 920 oqýshy tegin tamaqtanýda, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Bul týraly Túrkistan oblysynyń sanitariialyq-epidemiologiialyq baqylaý departamenti basshysy Nurbek Nyshanov BAQ ókilderimen ótken brifingte málimdedi.
– Jalpy Túrkistan oblysy boiynsha qadaǵalaýda 1 062 mektep pen 21 internat uiymy bar. Onyń 829-y mektep ashanasymen qamtylsa, 37-i býfetpen, 56-y keitering qyzmetimen qamtamasyz etilgen. Biylǵy jyldyń qyrkúiek aiynda Mańǵystaý oblysyna qarasty, Besshoqy aýylyndaǵy №8 mektebiniń 460 oqýshysy tamaqtan ýlanǵan bolatyn. Osy jaǵdaiǵa bailanysty QR Premer-Ministriniń tapsyrmasymen qadaǵalaýdaǵy barlyq mekteptiń ashanalaryna baqylaý-paraǵyna sáikes monitoring jumystary júrgizildi. Nátijesinde qyrkúiek aiynan bastap óńirdegi barlyq mekteptiń ashanalaryna monitoring jumystary júrgizildi, – dedi departament basshysy.
Spikerdiń sózinshe, mektep ashanalaryna qoiylatyn negizgi talaptarǵa as blogynyń sanitariialyq-epidemiologiialyq qorytyndysynyń bolýy mindetteledi. Sonymen qatar, bilim alýshylardyń aýyz sý rejimin uiymdastyrý men azyq-túlik ónimderiniń jaramdylyǵy da mańyzdy.
