تٷركٸستان وبلىسىندا باستاۋىش سىنىپ وقۋشىلارى بٸر رەتتٸك ىستىق تاماقپەن تولىقتاي قامتاماسىز ەتٸلگەن. جالپى 2024 جىلى ٶڭٸردە 220 920 وقۋشى تەگٸن تاماقتانۋدا, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
بۇل تۋرالى تٷركٸستان وبلىسىنىڭ سانيتارييالىق-ەپيدەميولوگييالىق باقىلاۋ دەپارتامەنتٸ باسشىسى نۇربەك نىشانوۆ باق ٶكٸلدەرٸمەن ٶتكەن بريفينگتە مەلٸمدەدٸ.
– جالپى تٷركٸستان وبلىسى بويىنشا قاداعالاۋدا 1 062 مەكتەپ پەن 21 ينتەرنات ۇيىمى بار. ونىڭ 829-ى مەكتەپ اسحاناسىمەن قامتىلسا, 37-ٸ بۋفەتپەن, 56-ى كەيتەرينگ قىزمەتٸمەن قامتاماسىز ەتٸلگەن. بيىلعى جىلدىڭ قىركٷيەك ايىندا ماڭعىستاۋ وبلىسىنا قاراستى, بەسشوقى اۋىلىنداعى №8 مەكتەبٸنٸڭ 460 وقۋشىسى تاماقتان ۋلانعان بولاتىن. وسى جاعدايعا بايلانىستى قر پرەمەر-مينيسترٸنٸڭ تاپسىرماسىمەن قاداعالاۋداعى بارلىق مەكتەپتٸڭ اسحانالارىنا باقىلاۋ-پاراعىنا سەيكەس مونيتورينگ جۇمىستارى جٷرگٸزٸلدٸ. نەتيجەسٸندە قىركٷيەك ايىنان باستاپ ٶڭٸردەگٸ بارلىق مەكتەپتٸڭ اسحانالارىنا مونيتورينگ جۇمىستارى جٷرگٸزٸلدٸ, – دەدٸ دەپارتامەنت باسشىسى.
سپيكەردٸڭ سٶزٸنشە, مەكتەپ اسحانالارىنا قويىلاتىن نەگٸزگٸ تالاپتارعا اس بلوگىنىڭ سانيتارييالىق-ەپيدەميولوگييالىق قورىتىندىسىنىڭ بولۋى مٸندەتتەلەدٸ. سونىمەن قاتار, بٸلٸم الۋشىلاردىڭ اۋىز سۋ رەجيمٸن ۇيىمداستىرۋ مەن ازىق-تٷلٸك ٶنٸمدەرٸنٸڭ جارامدىلىعى دا ماڭىزدى.
