Túrkistan oblysynyń ákimi Darhan Satybaldynyń tapsyrmasyna sáikes Jetisai aýdanyna jumys saparymen barǵan oblys ákiminiń orynbasary Nurbol Turashbekov pen oblystyq aýyl sharýashylyǵy basqarmasynyń basshysy Nurbek Badyraqov maqta alqaptary men maqta zaýyttarynda, maqta qabyldaý pýnkterinde bolyp, sharýalarmen tildesti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Negizgi tabysyn agrosektordan alatyn aýdanda ónim kólemi men sapasyn arttyrý maqsatynda tik drenajdardy iske qosý, eldi mekenderdegi jerasty sýyn tómendete otyryp kógaldandyrý, abattandyrý boiynsha atqarylyp jatqan jumystarmen tanysty.
Jalpy sany 380 dana tik drenajdy uńǵymalardyń 170-i ǵana turaqty jumys istep turǵan aýdanda 2023 jyldyń qazan aiynda QR Sý resýrstary jáne irrigatsiia ministrligi «QazSýshar» RMK tapsyrysymen «Islam Damý Banki» qarjysy esebinen 210 dana tik drenajdy uńǵymalardy qaita qalpyna keltirý jumystary bastalǵan. 2026 jyly tolyǵymen aiaqtalyp, el igiligine tapsyrylady dep kútilýde.
Jospar boiynsha «KiikbaiStroiServis» JShS Maqtaly, Qyzylqum, Abai aýyldyq okrýgterindegi 97 dana tik drenajdy qalpyna keltirý arqyly 16 myń gektar alqaptyń meliorativtik jaǵdaiyn jaqsartý kózdelgen bolsa, «Art-Qurylys» JShS Eraliev, Yntymaq, Sh.Dildabekov aýyldyq okrýgterindegi 113 dana tik drenajdy qalpyna keltirý arqyly 20 myń gektar alqaptyń meliorativtik jaǵdaiy qaita qalpyna keltirý kózdelýde.
Qazirdiń ózinde «Art-Qurylys» kompaniiasy 113 dana uńǵymanyń 60-yn burǵylap úlgergen. Merdigerler uńǵymalardy burǵylaýmen qatar kelesi jyldyń sońyna deiin jalpy uzyndyǵy 124 shaqyrymdy quraityn sý qashyrtqylaryn qalpyna keltirilip, 230 shaqyrym elektr júielerin qaita iske qospaq.
80 myń gektarǵa tarta sýarmaly jeri, 10 myńǵa jýyq sharýa qojalyǵy bar aýdanynda biylǵy jyly 40,8 myń gektar jerge maqta, 19,7 myń gektar jerge baqsha, 3,4 myń gektar jerge kókónis, 7,3 myń gektar jerge dándik júgeri men 6,6 gektar jerge mal azyqtyq daqyldar egilgen. Ótken jyly 45,2 gektar alqapqa maqta daqylyn egip, 122 myń tonna ónim alǵan sharýalar biyl 106 myń tonna aq altyn jinaýdy josparlap otyr. Búginde kúzgi jiyn-terim naýqany bastalǵaly 21 993 gektar maqtalyq alqap terilip, 50 102 tonna maqta ónimi jinalǵan.
321 sharýa qojalyǵy 1200 ga jerden jylyna 2 ret ónim alý jobasyn iske asyrsa, jylyjailar men parnikterdiń jalpy kólemi 23 gektarǵa, maqta, kókónis, baqsha, jemis-jidek jáne júzim daqyldaryndaǵy tamshylatyp sýǵarý tehnologiiasyn engizý 2800 gektarǵa jetken.
Sonymen qatar, maqta jinaý naýqanyna bailanysty aýdanda jumys istep turǵan 7 maqta óńdeý zaýyttarynyń 77 maqta qabyldaý beketteri bar. Onyń 53-i aýdan aýmaǵynda ornalasqan maqta óńdeý zaýyttaryna tiesili bolsa, 24-i Maqtaral aýdany aýmaǵynda ornalasqan maqta óńdeý zaýyttaryna tiesili. Búginde aýdan ákimdigi men aýdandyq prokýratýranyń tikelei aralasýymen maqta óńdeýshi zaýyttar men sharýalar arasyndaǵy qarjylyq operatsiialardy júrgizýdiń zańdylyǵyn saqtaý maqsatynda arnaiy kelisim-shart úlgisi jasalyp, barlyq zaýyttarǵa taratylǵan.
Sharýalarmen kezdesý barysynda kúzgi jaýyn-shashynǵa qaldyrmai maqta terim naýqanyn sapaly uiymdastyrý, kúzgi jiyn-terimge beriletin memlekettik qoldaýlardy óz ýaqytynda kórsetý, maqta baǵasy men basqa da máselelerge toqtalǵan oblys ákiminiń orynbasary maqta qabyldaý beketterindegi tarazydan aldaý, zerthanalarda maqta sapasyn qasaqana tómendetý sekildi jaǵdailarǵa jol bermeý kerektigin eskertti.
