تۇركىستان وبلىسىنىڭ اكىمى دارحان ساتىبالدىنىڭ تاپسىرماسىنا سايكەس جەتىساي اۋدانىنا جۇمىس ساپارىمەن بارعان وبلىس اكىمىنىڭ ورىنباسارى نۇربول تۇراشبەكوۆ پەن وبلىستىق اۋىل شارۋاشىلىعى باسقارماسىنىڭ باسشىسى نۇربەك بادىراقوۆ ماقتا القاپتارى مەن ماقتا زاۋىتتارىندا، ماقتا قابىلداۋ پۋنكتەرىندە بولىپ، شارۋالارمەن تىلدەستى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
نەگىزگى تابىسىن اگروسەكتوردان الاتىن اۋداندا ءونىم كولەمى مەن ساپاسىن ارتتىرۋ ماقساتىندا تىك درەناجداردى ىسكە قوسۋ، ەلدى مەكەندەردەگى جەراستى سۋىن تومەندەتە وتىرىپ كوگالداندىرۋ، اباتتاندىرۋ بويىنشا اتقارىلىپ جاتقان جۇمىستارمەن تانىستى.
جالپى سانى 380 دانا تىك درەناجدى ۇڭعىمالاردىڭ 170ء-ى عانا تۇراقتى جۇمىس ىستەپ تۇرعان اۋداندا 2023 جىلدىڭ قازان ايىندا ق ر سۋ رەسۋرستارى جانە يرريگاسيا مينيسترلىگى «قازسۋشار» رمك تاپسىرىسىمەن «يسلام دامۋ بانكى» قارجىسى ەسەبىنەن 210 دانا تىك درەناجدى ۇڭعىمالاردى قايتا قالپىنا كەلتىرۋ جۇمىستارى باستالعان. 2026 جىلى تولىعىمەن اياقتالىپ، ەل يگىلىگىنە تاپسىرىلادى دەپ كۇتىلۋدە.
جوسپار بويىنشا «كيىكبايسترويسەرۆيس» ج ش س ماقتالى، قىزىلقۇم، اباي اۋىلدىق وكرۋگتەرىندەگى 97 دانا تىك درەناجدى قالپىنا كەلتىرۋ ارقىلى 16 مىڭ گەكتار القاپتىڭ مەليوراتيۆتىك جاعدايىن جاقسارتۋ كوزدەلگەن بولسا، «ارت-قۇرىلىس» ج ش س ەرالييەۆ، ىنتىماق، ش.دىلدابەكوۆ اۋىلدىق وكرۋگتەرىندەگى 113 دانا تىك درەناجدى قالپىنا كەلتىرۋ ارقىلى 20 مىڭ گەكتار القاپتىڭ مەليوراتيۆتىك جاعدايى قايتا قالپىنا كەلتىرۋ كوزدەلۋدە.
ءقازىردىڭ وزىندە «ارت-قۇرىلىس» كومپانياسى 113 دانا ۇڭعىمانىڭ 60-ىن بۇرعىلاپ ۇلگەرگەن. مەردىگەرلەر ۇڭعىمالاردى بۇرعىلاۋمەن قاتار كەلەسى جىلدىڭ سوڭىنا دەيىن جالپى ۇزىندىعى 124 شاقىرىمدى قۇرايتىن سۋ قاشىرتقىلارىن قالپىنا كەلتىرىلىپ، 230 شاقىرىم ەلەكتر جۇيەلەرىن قايتا ىسكە قوسپاق.
80 مىڭ گەكتارعا تارتا سۋارمالى جەرى، 10 مىڭعا جۋىق شارۋا قوجالىعى بار اۋدانىندا بيىلعى جىلى 40،8 مىڭ گەكتار جەرگە ماقتا، 19،7 مىڭ گەكتار جەرگە باقشا، 3،4 مىڭ گەكتار جەرگە كوكونىس، 7،3 مىڭ گەكتار جەرگە داندىك جۇگەرى مەن 6،6 گەكتار جەرگە مال ازىقتىق داقىلدار ەگىلگەن. وتكەن جىلى 45،2 گەكتار القاپقا ماقتا داقىلىن ەگىپ، 122 مىڭ توننا ءونىم العان شارۋالار بيىل 106 مىڭ توننا اق التىن جيناۋدى جوسپارلاپ وتىر. بۇگىندە كۇزگى جيىن-تەرىم ناۋقانى باستالعالى 21 993 گەكتار ماقتالىق القاپ تەرىلىپ، 50 102 توننا ماقتا ءونىمى جينالعان.
321 شارۋا قوجالىعى 1200 گا جەردەن جىلىنا 2 رەت ءونىم الۋ جوباسىن ىسكە اسىرسا، جىلىجايلار مەن پارنيكتەردىڭ جالپى كولەمى 23 گەكتارعا، ماقتا، كوكونىس، باقشا، جەمىس-جيدەك جانە ءجۇزىم داقىلدارىنداعى تامشىلاتىپ سۋعارۋ تەحنولوگياسىن ەنگىزۋ 2800 گەكتارعا جەتكەن.
سونىمەن قاتار، ماقتا جيناۋ ناۋقانىنا بايلانىستى اۋداندا جۇمىس ىستەپ تۇرعان 7 ماقتا وڭدەۋ زاۋىتتارىنىڭ 77 ماقتا قابىلداۋ بەكەتتەرى بار. ونىڭ 53ء-ى اۋدان اۋماعىندا ورنالاسقان ماقتا وڭدەۋ زاۋىتتارىنا تيەسىلى بولسا، 24ء-ى ماقتارال اۋدانى اۋماعىندا ورنالاسقان ماقتا وڭدەۋ زاۋىتتارىنا تيەسىلى. بۇگىندە اۋدان اكىمدىگى مەن اۋداندىق پروكۋراتۋرانىڭ تىكەلەي ارالاسۋىمەن ماقتا وڭدەۋشى زاۋىتتار مەن شارۋالار اراسىنداعى قارجىلىق وپەراسيالاردى جۇرگىزۋدىڭ زاڭدىلىعىن ساقتاۋ ماقساتىندا ارنايى كەلىسىم-شارت ۇلگىسى جاسالىپ، بارلىق زاۋىتتارعا تاراتىلعان.
شارۋالارمەن كەزدەسۋ بارىسىندا كۇزگى جاۋىن-شاشىنعا قالدىرماي ماقتا تەرىم ناۋقانىن ساپالى ۇيىمداستىرۋ، كۇزگى جيىن-تەرىمگە بەرىلەتىن مەملەكەتتىك قولداۋلاردى ءوز ۋاقىتىندا كورسەتۋ، ماقتا باعاسى مەن باسقا دا ماسەلەلەرگە توقتالعان وبلىس اكىمىنىڭ ورىنباسارى ماقتا قابىلداۋ بەكەتتەرىندەگى تارازىدان الداۋ، زەرتحانالاردا ماقتا ساپاسىن قاساقانا تومەندەتۋ سەكىلدى جاعدايلارعا جول بەرمەۋ كەرەكتىگىن ەسكەرتتى.
