Túrkistan oblysynyń ákimi Nuralhan Kósherov sheteldik investorlarmen kezdesti. Kezdesý barysynda aimaqqa investitsiia salý, óndiristik áleýetin kóterý jóninde kelissóz júrgizildi, dep habarlaidy Dalanews.kz
Oblys ákimi investorlarǵa qolaily jaǵdai jasalǵanyn jetkizdi
– Sizderdi Túrkistan oblysynda qarsy alǵanyma qýanyshtymyn. Qazirgi tańda Túrkistan oblysy elimizdiń qarqyndy damyp kele jatqan óńirleriniń biri jáne úlken investitsiialyq, týristik áleýetke ie. Túrkistan oblysy arqyly ótetin «Batys Eýropa – Batys Qytai» halyqaralyq kólik dálizi álemdik naryqqa shyǵýdyń jańa múmkindikterin ashady. Aimaqtyń agroónerkásiptik kesheni elimizde kósh bastap tur. Respýblikadaǵy jalpy ónim kóleminiń 13 %-y óńirge tieseli nemese 1 trln. teńgeden astam qarjynyń ónimi óndiriledi. Óńirde indýstrialdy aimaqtar jáne arnaiy ekonomikalyq aimaq bar. Onda investorlarǵa jeńildikter usynylady. Birlese jumys isteýge daiynbyz, – dedi Nuralhan Kósherov.
Investorlar Túrkistan oblysyndaǵy investitsiialyq múmkindikter men qoldaýlarǵa rizashylyqtaryn bildirdi. Aýyl shaýrashylyǵy, tereń óńdeý salalary boiynsha jobalardy júzege asyrýǵa daiyn ekenderin jetkizdi. Aýyl sharýashylyǵy qyzmetterin usynýmen jáne astyq saýdasymen ainalysatyn kompaniia biyl óńirde jobalaryn bastaýdy josparlap otyr.
