تۇركىستان وبلىسىنىڭ اكىمى نۇرالحان كوشەروۆ شەتەلدىك ينۆەستورلارمەن كەزدەستى. كەزدەسۋ بارىسىندا ايماققا ينۆەستيسيا سالۋ، وندىرىستىك الەۋەتىن كوتەرۋ جونىندە كەلىسسوز جۇرگىزىلدى، دەپ حابارلايدى Dalanews.kz
وبلىس اكىمى ينۆەستورلارعا قولايلى جاعداي جاسالعانىن جەتكىزدى
– سىزدەردى تۇركىستان وبلىسىندا قارسى العانىما قۋانىشتىمىن. قازىرگى تاڭدا تۇركىستان وبلىسى ەلىمىزدىڭ قارقىندى دامىپ كەلە جاتقان وڭىرلەرىنىڭ ءبىرى جانە ۇلكەن ينۆەستيسيالىق، تۋريستىك الەۋەتكە يە. تۇركىستان وبلىسى ارقىلى وتەتىن «باتىس ەۋروپا – باتىس جۇڭگو» حالىقارالىق كولىك ءدالىزى الەمدىك نارىققا شىعۋدىڭ جاڭا مۇمكىندىكتەرىن اشادى. ايماقتىڭ اگروونەركاسىپتىك كەشەنى ەلىمىزدە كوش باستاپ تۇر. رەسپۋبليكاداعى جالپى ءونىم كولەمىنىڭ 13 %-ى وڭىرگە تيەسەلى نەمەسە 1 ترلن. تەڭگەدەن استام قارجىنىڭ ءونىمى وندىرىلەدى. وڭىردە يندۋستريالدى ايماقتار جانە ارنايى ەكونوميكالىق ايماق بار. وندا ينۆەستورلارعا جەڭىلدىكتەر ۇسىنىلادى. بىرلەسە جۇمىس ىستەۋگە دايىنبىز، – دەدى نۇرالحان كوشەروۆ.
ينۆەستورلار تۇركىستان وبلىسىنداعى ينۆەستيسيالىق مۇمكىندىكتەر مەن قولداۋلارعا ريزاشىلىقتارىن ءبىلدىردى. اۋىل شاۋراشىلىعى، تەرەڭ وڭدەۋ سالالارى بويىنشا جوبالاردى جۇزەگە اسىرۋعا دايىن ەكەندەرىن جەتكىزدى. اۋىل شارۋاشىلىعى قىزمەتتەرىن ۇسىنۋمەن جانە استىق ساۋداسىمەن اينالىساتىن كومپانيا بيىل وڭىردە جوبالارىن باستاۋدى جوسپارلاپ وتىر.
