Túrkistan oblysy, Saıram aýdany aýmaǵynda júk kólikteriniń salmaǵyn ólsheıtin tarazylar ornatylady. Bul óz kezeginde avtomobıl joldarynyń erte tozbaı, uzaq saqtalýyna jáne zańsyz jer qoınaýyn paıdalanýdyń aldyn almaq,- dep habarlaıdy Dalanews.kz
Saıram aýdany kóleminde jer qoınaýyn zańsyz paıdalaný derekterin toqtatý boıynsha qurylǵan jumysshy top jer qoınaýyn zańsyz paıdalanýdy anyqtaý, onyń aldyn alý boıynsha jumystar júrgizip jatyr. Júrgizilgen reıd barysynda jer qoınaýyn zańsyz paıdalanǵan birqatar faktiler anyqtaldy.
Aýdan ákimdiginiń zańsyz jer qoınaýyn paıdalaný faktilerin anyqtaý jáne olarǵa zertteý júrgizý maqsatyndaǵy jumysshy top quramynyń músheleri Mankent, Qaramurt aýyldyq okrýgi aýmaǵynda reıdtik is-sharasyn júrgizip, oblystyq mańyzy bar jolda 5 (Howo) aýyr júk kóliginde belgilengen mólsherden artyq salmaq artý derekteri anyqtaldy. Júk tasý kólikterine zańdy sheshim qabyldanǵanǵa deıin aqyly aıypturaqqa qoıyldy jáne ákimshilik hattama toltyryldy. Búgingi tańda atalǵan jumystar jalǵasyn tabýda.
Aıta ketsek, jer qoınaýyn zańsyz paıdalaný derekteriniń aldyn alyp, tosqaýyl qoıý maqsatynda, jumysshy top músheleri turaqty túrde reıdtik-profılaktıkalyq is-sharalardy uıymdastyrýda. Aýdan ákimi Arman Sabıtov bul sharany qatań baqylaýǵa aldy.
