2025 jyldyń 7 aıynda Túrkistan oblysy boıynsha 716 (2024 jyly 7 aıy - 575) jol-kólik oqıǵasy (JKO) tirkeldi, bul ótken jyldyń osy kezeńimen salystyrǵanda 24,5%-ǵa ósken,- dep habarlaıdy Dalanews.kz

Jol-kólik oqıǵasy nátıjesinde zardap shekkender sany 28,3% - ǵa artty (826-dan 1060-qa deıin), onyń ishinde jaraqat alǵandar sany 26,7% - ǵa ósti (708-den 897-ge deıin), qaza tapqandar sany 38,1% - ǵa ósti (118-den 163-ke deıin).    

Eń kóp jol-kólik oqıǵasy tirkelgen aýdandar, Jetisaı - 107, Saıram - 102, Túrkistan qalasy - 93, Túlkibas - 46, Arys - 45, Keles - 44, Tólebı - 36, Shardara - 33, Ordabasy - 32, Saýran - 30, Saryaǵash - 29, Sozaq - 23, Otyrar - 22, Qazyǵurt – 21, Kentaý qalasy - 19, Báıdibek - 18, Maqtaaral – 16.

Jol-kólik oqıǵalarynyń negizgi sebepteri áli de jol qozǵalysy erejeleriniń saqtalmaýy bolyp tabylady, sonyń ishinde belgilengen jyldamdyqtyń asyra oryndalýy jáne jaıaý júrginshilerdiń joldy belgilenbegen jerden kesip ótýi.

Qazaqstan Respýblıkasy Bas prokýratýrasynyń Quqyqtyq statısıka jáne  arnaıy esepke alý jónindegi komıtetiniń Túrkistan oblysy boıynsha departamenti oblys turǵyndary, qonaqtar jáne týrıserden Jol qozǵalysy erejelerin saqtaýdy suraıdy.

Sondaı-aq, elimizdiń joldaryndaǵy jol-kólik oqıǵalary týraly tolyq aqparatty Qazaqstan Respýblıkasy Bas prokýratýrasynyń Quqyqtyq statısıka jáne arnaıy esepke alý komıtetiniń «https//gis.kgp.kz» portalyndaǵy «Avarıalyq karta» bóliminen qaraýǵa bolatynyn eske salamyz.

#Zań_men_Tártip

#Zakon_ı_Porádok