2025 جىلدىڭ 7 ايىندا تۇركىستان وبلىسى بويىنشا 716 (2024 جىلى 7 ايى - 575) جول-كولىك وقيعاسى (جكو) تىركەلدى، بۇل وتكەن جىلدىڭ وسى كەزەڭىمەن سالىستىرعاندا 24،5%-عا وسكەن،- دەپ حابارلايدى Dalanews.kz

جول-كولىك وقيعاسى ناتيجەسىندە زارداپ شەككەندەر سانى 28،3% - عا ارتتى (826-دان 1060-قا دەيىن)، ونىڭ ىشىندە جاراقات العاندار سانى 26،7% - عا ءوستى (708-دەن 897-گە دەيىن)، قازا تاپقاندار سانى 38،1% - عا ءوستى (118-دەن 163-كە دەيىن).    

ەڭ كوپ جول-كولىك وقيعاسى تىركەلگەن اۋداندار، جەتىساي - 107، سايرام - 102، تۇركىستان قالاسى - 93، تۇلكىباس - 46، ارىس - 45، كەلەس - 44، تولەبي - 36، شاردارا - 33، ورداباسى - 32، ساۋران - 30، سارىاعاش - 29، سوزاق - 23، وتىرار - 22، قازىعۇرت – 21، كەنتاۋ قالاسى - 19، بايدىبەك - 18، ماقتاارال – 16.

جول-كولىك وقيعالارىنىڭ نەگىزگى سەبەپتەرى ءالى دە جول قوزعالىسى ەرەجەلەرىنىڭ ساقتالماۋى بولىپ تابىلادى، سونىڭ ىشىندە بەلگىلەنگەن جىلدامدىقتىڭ اسىرا ورىندالۋى جانە جاياۋ جۇرگىنشىلەردىڭ جولدى بەلگىلەنبەگەن جەردەن كەسىپ ءوتۋى.

قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە  ارنايى ەسەپكە الۋ جونىندەگى كوميتەتىنىڭ تۇركىستان وبلىسى بويىنشا دەپارتامەنتى وبلىس تۇرعىندارى، قوناقتار جانە تۋريستەردەن جول قوزعالىسى ەرەجەلەرىن ساقتاۋدى سۇرايدى.

سونداي-اق، ەلىمىزدىڭ جولدارىنداعى جول-كولىك وقيعالارى تۋرالى تولىق اقپاراتتى قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ كوميتەتىنىڭ «https//gis.kgp.kz» پورتالىنداعى «اۆاريالىق كارتا» بولىمىنەن قاراۋعا بولاتىنىن ەسكە سالامىز.

#زاڭ_مەن_ءتارتىپ

#زاكون_ي_پوريادوك