Túrkistan oblysy, Tólebı aýdanynda úshem dúnıege keldi. Lengir qalasynyń 36 jastaǵy turǵyny Aqerke Sergebaeva oblystyq №1 perınıtaldyq ortalyǵynda eki qyz ben bir ul bosandy, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Túrkistan oblysy Qoǵamdyq densaýlyq basqarmasynyń málimetinshe, osymen oblysta jyl basynan beri ekinshi úshem dúnıege kelgen.

Jańa týylǵan nárestelerge Baljan, Maǵjan, Toǵjan esimderi berildi. Merziminen erte týylǵan úshemder perınıtaldyq ortalyq dárigerleriniń baqylaýyna alynǵan.

Medısına qyzmetkerleriniń kómetimen sábıler salmaq qosyp, densaýlyq jaǵdaılary jaqsarǵan. Úshemder perzenthanadan shyǵýǵa ázir. Úshem dúnıe kelgen otbasynyń bir ul men úsh qyzy bar. Otaǵasy da, kópbalaly ananyń ózi de mektepte jumys isteıdi.

«Qorqynyshtar boldy árıne. Allanyń syıyna sansyz shúkir. Sábılerimdi baǵyp, kútken dárigerlerge sheksiz alǵys bildiremin»,  –  deıdi úshemniń anasy.

Jyl basynan beri Túrkistan oblysynda 10 myńnan astam sábı dúnıege keldi.