Osy jyldyń kúz aiynda tolyq qýattylyǵymen iske qosylatyn óndiris ornynyń qurylys jumysyna qanyqqan aimaq basshysy memleket tarapynan kórsetiletin barlyq qoldaýlardyń tiisti deńgeide atqarylýyn tapsyrdy. Budan bólek, J.Túimebaev jańadan salynyp jatqan kásiporyndarǵa jańa tsifrlyq tehnologiiamen avtomattandyrylǵan basqarý júielerin keńinen engizý qazirgi zamannyń qajettiligi ekenin aityp ótti.
Investitsiialyq quny 20 mln. AQSh dollaryn quraityn zaýyt jylyna 50 myń tonna ónim óndirmek. Bul joba Qazaqstannyń jasandy talshyqtarǵa degen qajettiligin tolyǵymen qanaǵattandyrady dep kútilýde. Atalǵan joba elimizde alǵash ret qolǵa alynyp otyr. Óńirdiń áleýmettik-ekonomikalyq damýyna serpilis beretin zaýyt iske qosylǵan kezde 200-250 adam jumyspen qamtylady dep josparlanyp otyr.
Jasandy talshyq – bul ónerkásiptiń barlyq salalarynda qoldanylatyn ámbebap material. PET-ti qaita óńdeý Qazaqstandaǵy ekologiialyq jaǵdaidy jaqsartýǵa áser etedi.
Eske salaiyq, bul joba «Ontustik Invest-2016» halyqaralyq investitsiialyq forýmy aiasynda qol qoiylǵan yntymaqtastyq týraly memorandýmnyń nátijesinde júzege asyp otyr.
Jobany álemge tanymal sheteldik HONGKONG TIANRUN CO LTD iri óndiris kompaniiasy oblys ákimdigimen jáne Green Technology Industries kompaniiasymen birlese otyryp salýda. Búginde bul kompaniia 70 memlekette óndiris oryndaryn ashyp úlgergen.
Aita keteiik, atalǵan indýstrialdy aimaqta 1 583 jumys orny ashylyp, sommasy 65 716,9 mln. teńgeni quraityn 12 joba iske asyrylýda. Sonyń ishinde 107 jumys ornymen qamtylǵan, qarjysy 7 788,9 mln. teńgeni quraityn 3 joba iske qosylǵan.
Túrkistan oblysy ákiminiń baspasóz qyzmeti
