Túrkistan oblysy qoǵamdyq damý basqarmasy «Jastar resýrstyq ortalyǵy» KMM-niń uiymdastyrýymen «Jumysshy mamandyqtar jyly» aiasynda ótken oblystyq «Jas eńbek adamy – 2025» baiqaýy óz máresine jetti. Saiystyń sońǵy kezeńi Báidibek aýdanynda ótti,- dep habarlaidy Dalanews.kz
Jastar arasynda jumysshy mamandyqtardyń bedelin arttyryp, kásibi daǵdylaryn damytý maqsatynda uiymdastyrylǵan baiqaýǵa 80-ge jýyq stýdent pen jas kásipker qatysty. Saiys barysynda qatysýshylar óz mamandyqtaryna sáikes sheberlikterin kórsetip, túrli tapsyrmalardy oryndady. Jumys sapasy oryndaý tehnikasy, kreativtilik jáne qaýipsizdik talaptaryn saqtaý kriteriileri boiynsha baǵalandy.
Oblystyq baiqaýdyń jabylý saltanatyna Túrkistan oblystyq «Jastar resýrstyq ortalyǵy» KMM-niń basshysy Ernar Bektaev qatysyp, úzdikterdi marapattady.
Baiqaý qorytyndysymen «Úzdik aspaz» jáne «Úzdik dánekerleýshi» nominatsiialaryn Qazyǵurt aýdanynan kelgen Merýert Dáýletjan jáne Aqjol Mirasbek ielense, báidibektik Aziza Ábdildabekqyzy «Qolóner sheberi», Nurǵisa Dóńbaev «Aǵash ustasy», Nurlyai Jaqsylyq «Bet árleýshi» nominatsiialary boiynsha úzdik atandy. «Úzdik sylaqshy» nominatsiiasyn Keles aýdanynan kelgen Azamat Lesbai jeńip alsa, «Úzdik tas qalaýshy» qazyǵurttyq Bekarys Orazaly, «Úzdik shashtaraz» otyrarlyq Beibit Asanova, «Úzdik santehnik» Sozaq aýdanynyń týmasy Bekarys Ómirtai, «Úzdik shinomontaj sheberi» saryaǵashtyq Nurbaqyt Qoblanbek atandy.
Jeńimpazdarǵa Alǵys hattar men baǵaly syilyqtar tabystaldy.
