Túrkistan oblysynda óńirdiń ónerkásiptik áleýetin damytý maqsatynda 14 indýstrialdy aimaq ashylǵan. Oblys ákimi Nuralhan Kósherov osy baǵyttaǵy jumystarǵa basymdyq berýde. Maqsat – óndiris oryndaryn kóbeitý. Biyl oblysta aýmaǵy 744 gektardy quraityn jańa 5 aimaq quryldy,– dep habarlaidy Dalanews.kz
Atap aitsaq, «Jetisai» indýstrialdy aimaǵy – 59 ga, «Otyrar» indýstrialdy aimaǵy – 85 ga, «Arys» indýstrialdy aimaǵy – 30 ga, «Qaramurt» indýstrialdy aimaǵy – 523,9 ga jáne «Shardara-2» indýstrialdy aimaǵy – 46,1 ga. Bul aimaqtarda quny 129 mlrd. teńgeni quraityn jalpy 84 jobany iske asyrý josparlanǵan. Onyń ishinde, biyl 49,7 mlrd. teńgege 17 jobany iske qosý mejelengen.
Qosymsha Tólebi aýdanynda 1 indýstrialdy aimaq ashý jáne Túrkistan qalasy men Ordabasy aýdanyndaǵy 2 aimaqty keńeitý jumystary júrgizilýde. Saýran aýdanynda «Shaǵyn ónerkásiptik park» jobasy iske asyrylyp jatyr. Joba aiasynda 152 óndiristik ǵimarat salyp, 308 mlrd. teńge investitsiia tartý kózdelgen bolatyn. Bul bastama 6 040 jańa jumys oryndaryn ashýǵa múmkindik beredi. Búgingi tańda 11 joba iske qosylyp, (11 ǵimarat), jumysyn bastap ketti. 790 jumys orny ashyldy.
Biyl tapsyrylatyn 29 ǵimarattyń qurylys jumystarynyń 90%-y aiaqtaldy. Nátijesinde 26 joba iske qosylady. Jalpy I kezeń qorytyndysymen 2 myńnan astam jumys ornyn qurý kózdelgen. Iaǵni, 136,8 mlrd. teńgege 37 joba júzege asyrylady. Qytaidyń iri kompaniiasymen kelissóz júrgizilip, ónerkásiptik park aýmaǵynda aýyl sharýashylyǵy drondaryn shyǵaratyn zaýyt salý boiynsha kelisim jasaldy. Jobanyń quny – 5 mln. AQSh dollary. Qýattylyǵy – aiyna 600 dana.
Park aýmaǵynda «Jasyl sýyq Qazaqstan» (UBC) halyqaralyq kompaniiasy tońazytqysh shyǵaratyn zaýytty iske qosty. Jobanyń jalpy quny 60 mln. evro bolsa, tolyq iske qosylǵanda qýattylyǵy jylyna 140 myń dana bolady dep josparlanǵan.
«Shaǵyn ónerkásiptik park» jobasynyń mýltiplikativtik tiimdiligin eskere otyryp, Báidibek, Keles, Ordabasy, Tólebi, Túlkibas Sairam jáne Saryaǵash aýdandarynda osy tájiribeni endirý jumystary júrgizilýde. Sáýir aiynda Ordabasy aýdanynda 8 gektar aýmaqta «Badam» óndiristik parkiniń qurylysy bastaldy. Ol jerge kásipkerler 5 óndiris ornyn ashýǵa qyzyǵýshylyq tanytyp otyr. Budan bólek, Saýran aýdanyndaǵy Iassy, Qarashyq, Úshqaiyq, Júinek aýyldarynda jergilikti kásipkerler óz qarajaty esebinen 4 shaǵyn óndiristik alańda 22 ǵimarattyń qurylysyn bastap ketti.
