Májilis atqarýshylyq óndiristi jetildirýge baǵyttalǵan zańdy ekinshi oqylymda qabyldady, dep habarlaidy dalanews.kz.
Qujat azamattardyń quqyqtaryn qorǵaýdy kúsheitýge, jeke sot oryndaýshylarynyń jaýapkershiligin arttyrýǵa jáne atqarýshylyq óndiris rásimderin jetildirýge baǵyttalǵan.
Zań jobasymen jumys barysynda depýtattar aliment aýdarýǵa arnalǵan arnaiy shot engizý týraly túzetýdi qoldady. Bul aliment qarajatyna shekteý qoiýǵa jol bermeýge múmkindik beredi.
Sonymen qatar aiyppuldar men salyq bereshekteri boiynsha ońailatylǵan óndiris shegi 20 AEK-ten 40 AEK-ke deiin ulǵaityldy.
Túzetýler aiasynda boryshkerdi turǵyn úiden shyǵarý týraly keminde 10 kún buryn habardar etý mindeti engizildi. Bul azamattarǵa aldyn ala daiyndalýǵa múmkindik beredi.
Budan bólek, balamen aralasý tártibine qatysty ister boiynsha tulǵalardy Boryshkerlerdiń biryńǵai tizilimine avtomatty engizý alynyp tastalady. Sondai aq taraptar tatýlasý kelisimin jasaý úshin sotqa júginse, atqarýshylyq óndiris bir aiǵa deiin toqtatylýy múmkin.
