تۇركىستان وبلىسىندا ءوڭىردىڭ ونەركاسىپتىك الەۋەتىن دامىتۋ ماقساتىندا 14 يندۋستريالدى ايماق اشىلعان. وبلىس اكىمى نۇرالحان كوشەروۆ وسى باعىتتاعى جۇمىستارعا باسىمدىق بەرۋدە. ماقسات – ءوندىرىس ورىندارىن كوبەيتۋ. بيىل وبلىستا اۋماعى 744 گەكتاردى قۇرايتىن جاڭا 5 ايماق قۇرىلدى،– دەپ حابارلايدى Dalanews.kz
اتاپ ايتساق، «جەتىساي» يندۋستريالدى ايماعى – 59 گا، «وتىرار» يندۋستريالدى ايماعى – 85 گا، «ارىس» يندۋستريالدى ايماعى – 30 گا، «قارامۇرت» يندۋستريالدى ايماعى – 523،9 گا جانە «شاردارا-2» يندۋستريالدى ايماعى – 46،1 گا. بۇل ايماقتاردا قۇنى 129 ملرد. تەڭگەنى قۇرايتىن جالپى 84 جوبانى ىسكە اسىرۋ جوسپارلانعان. ونىڭ ىشىندە، بيىل 49،7 ملرد. تەڭگەگە 17 جوبانى ىسكە قوسۋ مەجەلەنگەن.
قوسىمشا تولەبي اۋدانىندا 1 يندۋستريالدى ايماق اشۋ جانە تۇركىستان قالاسى مەن ورداباسى اۋدانىنداعى 2 ايماقتى كەڭەيتۋ جۇمىستارى جۇرگىزىلۋدە. ساۋران اۋدانىندا «شاعىن ونەركاسىپتىك پارك» جوباسى ىسكە اسىرىلىپ جاتىر. جوبا اياسىندا 152 وندىرىستىك عيمارات سالىپ، 308 ملرد. تەڭگە ينۆەستيسيا تارتۋ كوزدەلگەن بولاتىن. بۇل باستاما 6 040 جاڭا جۇمىس ورىندارىن اشۋعا مۇمكىندىك بەرەدى. بۇگىنگى تاڭدا 11 جوبا ىسكە قوسىلىپ، (11 عيمارات)، جۇمىسىن باستاپ كەتتى. 790 جۇمىس ورنى اشىلدى.
بيىل تاپسىرىلاتىن 29 عيماراتتىڭ قۇرىلىس جۇمىستارىنىڭ 90%-ى اياقتالدى. ناتيجەسىندە 26 جوبا ىسكە قوسىلادى. جالپى ءى كەزەڭ قورىتىندىسىمەن 2 مىڭنان استام جۇمىس ورنىن قۇرۋ كوزدەلگەن. ياعني، 136،8 ملرد. تەڭگەگە 37 جوبا جۇزەگە اسىرىلادى. قىتايدىڭ ءىرى كومپانياسىمەن كەلىسسوز جۇرگىزىلىپ، ونەركاسىپتىك پارك اۋماعىندا اۋىل شارۋاشىلىعى دروندارىن شىعاراتىن زاۋىت سالۋ بويىنشا كەلىسىم جاسالدى. جوبانىڭ قۇنى – 5 ملن. اقش دوللارى. قۋاتتىلىعى – ايىنا 600 دانا.
پارك اۋماعىندا «جاسىل سۋىق قازاقستان» (UBC) حالىقارالىق كومپانياسى توڭازىتقىش شىعاراتىن زاۋىتتى ىسكە قوستى. جوبانىڭ جالپى قۇنى 60 ملن. ەۆرو بولسا، تولىق ىسكە قوسىلعاندا قۋاتتىلىعى جىلىنا 140 مىڭ دانا بولادى دەپ جوسپارلانعان.
«شاعىن ونەركاسىپتىك پارك» جوباسىنىڭ مۋلتيپليكاتيۆتىك تيىمدىلىگىن ەسكەرە وتىرىپ، بايدىبەك، كەلەس، ورداباسى، تولەبي، تۇلكىباس سايرام جانە سارىاعاش اۋداندارىندا وسى تاجىريبەنى ەندىرۋ جۇمىستارى جۇرگىزىلۋدە. ءساۋىر ايىندا ورداباسى اۋدانىندا 8 گەكتار اۋماقتا «بادام» وندىرىستىك پاركىنىڭ قۇرىلىسى باستالدى. ول جەرگە كاسىپكەرلەر 5 ءوندىرىس ورنىن اشۋعا قىزىعۋشىلىق تانىتىپ وتىر. بۇدان بولەك، ساۋران اۋدانىنداعى ياسسى، قاراشىق، ءۇشقايىق، جۇينەك اۋىلدارىندا جەرگىلىكتى كاسىپكەرلەر ءوز قاراجاتى ەسەبىنەن 4 شاعىن وندىرىستىك الاڭدا 22 عيماراتتىڭ قۇرىلىسىن باستاپ كەتتى.
