Túrkistan oblysynda energetika jáne turǵyn úi-kommýnaldyq sharýashylyq salasynda 300-den astam joba iske asyrylyp jatyr. Aýyldar men eldi mekenderdiń infraqurylymy jaqsaryp, aýyz sý, gaz, elektr energiiasymen qamtý jalǵasýda. Buryn sapaly aýyz sý, gaz barmaǵan eldi mekenderge osy igilikter jetip, eldiń ómir sapasy jaqsara tústi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Jyl sońyna deiin jobalardyń 196-sy aiaqtalady dep josparlanýda. Qalǵany kelesi jylǵa ótpeli. Bul týraly búgin oblys ákimi Darhan Satybaldynyń tóraǵalyǵymen ótken apparat májilisinde keńinen talqylandy.
– Eń birinshi másele – aýyz sý. Josparlanǵan jumystar jedel ári sapaly atqarylýy tiis. Gazben qamtý, elektrmen qamtý baǵytyndaǵy jobalardy da sapaly atqaryńyzdar. Túrkistandaǵy arnaiy ekonomikalyq aimaqty infraqurylymmen qamtýmen qatar abattandyryp, kógaldandyrý kerek. Kásipkerliktiń damýy, investitsiianyń artýyna infraqurylymnyń tikelei qatysy bar. Jumysty shiratyńyzdar, – degen Darhan Satybaldy jaýapty basqarma basshysy men aýdan, qala ákimderine tapsyrmalar berdi.
Oblystyq energetika jáne turǵyn úikommýnaldyq sharýashylyq basqarmasynyń basshysy Rýslan Muzdybekovtyń aitýynsha, biyl gazben qamtý boiynsha 112 nysan, aýyz sý boiynsha 122 nysan, elektrmen qamtý boiynsha 58 nysannyń qurylysy qolǵa alynǵan. Biyl osy salada 196 joba júzege aspaq, qalǵany kelesi jylǵa ótpeli.
2024 jyly aýyz sý boiynsha 96 nysan aiaqtalyp, jańadan 30 eldi meken aýyz sýmen qamtylady. 37 eldi meken táýlik boiy sýmen qamtylsa, 24 eldi mekenniń tozǵan sý júieleri jańartylady. Olardyń birqatarynda jańa qurylys júrgizilse, birazyna keshendi blok-modýlder ornatylýda. Qaita qurý, qubyr tartý, aǵymdaǵy jóndeý jumystary arqyly da máseleler sheshilýde.
Tabiǵi gaz boiynsha 54 joba biyl júzege asady. 58-i kelesi jylǵa ótpeli. Jyl qorytyndysymen 47 eldi meken tabiǵi gazben qamtylmaq. Gazben qamtylǵan eldi mekender sany 557-ge, halyq sany 1,8 millionnan asady dep kútilýde.
Elektrmen qamtý boiynsha 58 nysannyń qurylysy júrýde, onyń 35-i biyl aiaqtalady. Jyl nátijesinde 41 eldi mekenniń halqy sapaly elektr qýatyna qol jetkizedi. «Qyzylásker», «Alataý» qosalqy stantsiialarynyń qurylysy aiaqtalýda. 383,7 shaqyrym elektr jelileri tartylyp, 104 transformator ornatylady.
Óńirde kásipkerlik nysandaryna injenerlik infraqurylym tartylýda. Keles aýdanynda «ECOCULTURE-EURASIA» JShS jylyjai kesheni, Shardara aýdanynda júgeri óńdeý zaýyty, Túrkistan qalasyndaǵy indýstrialdy aimaqta jáne Túlkibas aýdanyndaǵy «BeibarsBottlers» JShS-inde infraqurylym qurylystary júrgizilgen. Sonymen birge gaz taratý stantsiialarynyń da qurylysy júrýde. Oblysty infraqurylymmen qamtý baǵytyndaǵy jumystar jalǵasady.
