تٷركٸستان وبلىسىندا ەنەرگەتيكا جەنە تۇرعىن ٷي-كوممۋنالدىق شارۋاشىلىق سالاسىندا 300-دەن استام جوبا ٸسكە اسىرىلىپ جاتىر. اۋىلدار مەن ەلدٸ مەكەندەردٸڭ ينفراقۇرىلىمى جاقسارىپ, اۋىز سۋ, گاز, ەلەكتر ەنەرگيياسىمەن قامتۋ جالعاسۋدا. بۇرىن ساپالى اۋىز سۋ, گاز بارماعان ەلدٸ مەكەندەرگە وسى يگٸلٸكتەر جەتٸپ, ەلدٸڭ ٶمٸر ساپاسى جاقسارا تٷستٸ, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
جىل سوڭىنا دەيٸن جوبالاردىڭ 196-سى اياقتالادى دەپ جوسپارلانۋدا. قالعانى كەلەسٸ جىلعا ٶتپەلٸ. بۇل تۋرالى بٷگٸن وبلىس ەكٸمٸ دارحان ساتىبالدىنىڭ تٶراعالىعىمەن ٶتكەن اپپارات مەجٸلٸسٸندە كەڭٸنەن تالقىلاندى.
– ەڭ بٸرٸنشٸ مەسەلە – اۋىز سۋ. جوسپارلانعان جۇمىستار جەدەل ەرٸ ساپالى اتقارىلۋى تيٸس. گازبەن قامتۋ, ەلەكترمەن قامتۋ باعىتىنداعى جوبالاردى دا ساپالى اتقارىڭىزدار. تٷركٸستانداعى ارنايى ەكونوميكالىق ايماقتى ينفراقۇرىلىممەن قامتۋمەن قاتار اباتتاندىرىپ, كٶگالداندىرۋ كەرەك. كەسٸپكەرلٸكتٸڭ دامۋى, ينۆەستيتسييانىڭ ارتۋىنا ينفراقۇرىلىمنىڭ تٸكەلەي قاتىسى بار. جۇمىستى شيراتىڭىزدار, – دەگەن دارحان ساتىبالدى جاۋاپتى باسقارما باسشىسى مەن اۋدان, قالا ەكٸمدەرٸنە تاپسىرمالار بەردٸ.
وبلىستىق ەنەرگەتيكا جەنە تۇرعىن ٷيكوممۋنالدىق شارۋاشىلىق باسقارماسىنىڭ باسشىسى رۋسلان مۇزدىبەكوۆتىڭ ايتۋىنشا, بيىل گازبەن قامتۋ بويىنشا 112 نىسان, اۋىز سۋ بويىنشا 122 نىسان, ەلەكترمەن قامتۋ بويىنشا 58 نىساننىڭ قۇرىلىسى قولعا الىنعان. بيىل وسى سالادا 196 جوبا جٷزەگە اسپاق, قالعانى كەلەسٸ جىلعا ٶتپەلٸ.
2024 جىلى اۋىز سۋ بويىنشا 96 نىسان اياقتالىپ, جاڭادان 30 ەلدٸ مەكەن اۋىز سۋمەن قامتىلادى. 37 ەلدٸ مەكەن تەۋلٸك بويى سۋمەن قامتىلسا, 24 ەلدٸ مەكەننٸڭ توزعان سۋ جٷيەلەرٸ جاڭارتىلادى. ولاردىڭ بٸرقاتارىندا جاڭا قۇرىلىس جٷرگٸزٸلسە, بٸرازىنا كەشەندٸ بلوك-مودۋلدەر ورناتىلۋدا. قايتا قۇرۋ, قۇبىر تارتۋ, اعىمداعى جٶندەۋ جۇمىستارى ارقىلى دا مەسەلەلەر شەشٸلۋدە.
تابيعي گاز بويىنشا 54 جوبا بيىل جٷزەگە اسادى. 58-ٸ كەلەسٸ جىلعا ٶتپەلٸ. جىل قورىتىندىسىمەن 47 ەلدٸ مەكەن تابيعي گازبەن قامتىلماق. گازبەن قامتىلعان ەلدٸ مەكەندەر سانى 557-گە, حالىق سانى 1,8 ميلليوننان اسادى دەپ كٷتٸلۋدە.
ەلەكترمەن قامتۋ بويىنشا 58 نىساننىڭ قۇرىلىسى جٷرۋدە, ونىڭ 35-ٸ بيىل اياقتالادى. جىل نەتيجەسٸندە 41 ەلدٸ مەكەننٸڭ حالقى ساپالى ەلەكتر قۋاتىنا قول جەتكٸزەدٸ. «قىزىلەسكەر», «الاتاۋ» قوسالقى ستانتسييالارىنىڭ قۇرىلىسى اياقتالۋدا. 383,7 شاقىرىم ەلەكتر جەلٸلەرٸ تارتىلىپ, 104 ترانسفورماتور ورناتىلادى.
ٶڭٸردە كەسٸپكەرلٸك نىساندارىنا ينجەنەرلٸك ينفراقۇرىلىم تارتىلۋدا. كەلەس اۋدانىندا «ECOCULTURE-EURASIA» جشس جىلىجاي كەشەنٸ, شاردارا اۋدانىندا جٷگەرٸ ٶڭدەۋ زاۋىتى, تٷركٸستان قالاسىنداعى يندۋستريالدى ايماقتا جەنە تٷلكٸباس اۋدانىنداعى «BeibarsBottlers» جشس-ٸندە ينفراقۇرىلىم قۇرىلىستارى جٷرگٸزٸلگەن. سونىمەن بٸرگە گاز تاراتۋ ستانتسييالارىنىڭ دا قۇرىلىسى جٷرۋدە. وبلىستى ينفراقۇرىلىممەن قامتۋ باعىتىنداعى جۇمىستار جالعاسادى.
