Túrkistan oblysynda qýaty 1 myń MVt-qa deiin jetetin bý-gaz stantsiiasy salynyp jatyr, dep habarlaidy Dalanews.kz.
Memleket basshysy aitqan «Damyǵan aimaqtar – qýatty ekonomika» qaǵidatyn iske asyrýda Túrkistan oblysynda naqty qadamdar jasalyp jatyr. Sairam aýdanynda salynyp jatqan qýaty 1 myń MVt bolatyn elektrostantsiia iske qosylǵanda Túrkistan oblysynda energiia tapshylyǵy sheshiledi.
«Samuryq-Qazyna» qorynyń enshiles uiymy – «BGQ Túrkistan» JShS qolǵa alǵan bý-gaz stantsiiasynyń qurylysy Sairam aýdanynyń Qaramurt eldi mekeninde júzege asýda.
Ońtústik Koreianyń «Doosan Enerbility» jáne Qazaqstandyq «Bazis Construction» kompaniialar konsortsiýmy iske asyryp jatqan joba 2 millionnan astam turǵyny bar Túrkistan oblysyndaǵy energiia tapshylyǵyn eńserýge kómek kórsetetin jańa býyn energiia óndiretin kásiporyn bolmaq.
Quny 800 mlrd teńge turatyn joba tolyq óndiristik qýatyna shyqqanda 926,5 MVt elektr qýatyn óndiredi. Munda qoiylatyn gaz týrbinalyq qondyrǵylar Germaniianyń «Siemens Energy» kompaniiasynyń ónimi bolsa, bý týrbinalyq qondyrǵylar Chehiianyń «Doosan Skoda Power» kompaniiasynyń ónimi bolmaq. Italiiadan qazandyq qurylǵylary, Qazaqstannyń «Asia Trafo» kompaniiasynan qýat arttyrý transformatorlary ákelinedi. Úzdik tehnologiialyq sheshimder boiynsha salynyp jatqan keshen úshin 60 ga jer bólingen.
Qazir mundaǵy qurylysqa 11 kompaniiadan 2500-ge jýyq adam tartylǵan. Oladyń kóbi – Tóle bi, Sairam aýdanynyń turǵyndary. Qurylys jumystary aiaqtalyp, kásiporyn turaqty jumys isteýge kóshkende munda turaqty jumyspen qamtylatyn azamattardyń sany 300-400-ge jetedi degen boljam bar.
Qazir kásiporyn qajettiligi úshin joǵary qysymdy gaz jetkizýde magistraldy gaz qubyry salynyp jatyr. Gaz júieleri tartylatyn aimaqtar boiynsha jerlerdi jekemenshik ielerinen satyp alý jumystary atqarylyp, qurylys-montajdaý jumystarynyń qarqyny artqan.
Elektr qýatyn óndiretin aýmaqtan ekonomikaǵa oń áserin beretin, jergilikti turǵyndardy turaqty jumys oryndarymen qamtityn jáne aimaqtyń óndiristik áleýetin kóterýge basa mán berilýde. Onyń ishinde osy aimaqta óndiristik park salý bastamasy júzege asyrylmaq.
