Túrkistan oblysynda asa mańyzdy ári eldiń ekonomikasyn kóteretin jobalar júzege asyrylyp jatyr. Olardyń qazirgi jai-kúii qandai? Qandai máseleleri bar? Óńirlik investitsiialyq shtabtyń kezekti májilisinde osy túitkilder tarqatyldy. Jiyndy oblys ákiminiń orynbasary Nuralhan Kósherov júrgizip, jobalardyń jaǵdaiymen tanystyrdy. Túrkistan oblysynyń ákimi Darhan Satybaldy árbir investordyń pikirin, usynysyn tyńdap, jaýaptylarǵa tiisti tapsyrmalar berdi, dep habarlaidy Dalanews.kz. Túrkistan oblysy ákiminiń baspasóz qyzmetine silteme jasap.
– Aýdan, qala ákimderi men basqarma basshylary investitsiia tartý baǵytynda belsendilikti arttyrsyn. Izdenińizder. Investitsiia tartý, óndiris jáne jumys oryndaryn ashý – basty mindetimiz. Jumysty kúsheitińizder. Kásipkerlermen, investorlarmen aqyldasyńyzdar. Ekinshiden, jerdi alyp, jumysyn ýaqtyly bastamaǵan investorlarǵa da zań sheńberinde shara kórilsin. Jer berilgen soń jobalar óz ýaqytynda júzege asýy kerek, – dedi Darhan Satybaldy.
Túrkistan oblysynda dron shyǵaratyn, integratsiialanǵan jylytý júielerine arnalǵan jabdyqtar óndiretin zaýyttar salý jumysy júrýde. Ósimdik maiyn shyǵaratyn zaýyt salý jobasy da usynylǵan. Bul jobalar Saýran aýdany men Arys qalasynda júzege asady. Sonymen birge Kentaý men Túrkistanda gaz qazandyqtary men turmystyq tehnika óndiretin zaýyt qurylysy da júrgizilmek. Jobanyń 1-kezeńi boiynsha «Kentaý» arnaiy-ekonomikalyq aýmaǵyndaǵy burynǵy ekskavator zaýytynyń qoldanystaǵy ǵimaratyna kúrdeli jóndeý júrgizilýde. 2-kezeńiń iske asyrý boiynsha «TURAN» arnaiy-ekonomikalyq aýmaǵynan 4 ga jer bólý kózdelip otyr.
Túlkibas aýdanyndaǵy «Beibars-Bottlers» JShS-niń aýyz sý jáne túrli-tústi sýsyndar óndirý zaýytynyń qurylysy aiaqtalǵan. Qazirgi tańda qural-jabdyqtaryna shef-montajdaý jumystary júrgizilip, jobany iske qosýǵa qajetti elektr energiiasy máselesin sheshý kútilip otyr. Maqtaaraldaǵy «GLOBAL TEXTILE TURKESTAN» JShS-niń toqyma klasterin qurý jobasyn iske asyrý barysy da zerdelendi. Búginde atalǵan kompaniianyń kómegimen joǵary surypty maqta egilgen, túsim oidaǵydai.
Májiliste osy jáne ózge de jobalar talqylanyp, jaýaptylarǵa tiisti tapsyrmaler berildi. Túrkistan oblysynda zaýyttar salý, óndiris oryndaryn ashý jumystary jalǵasady.
