Túrkistan oblysynda gektarlap alma baq egip, jemis-jıdek baǵytyna betburys jasaǵandar kóbeıip keledi. Oblystyq aýyl sharýashylyǵy basqarmasynyń málimetinshe, oblys boıynsha jemis-jıdek aǵashtary 17,9 myń gektarǵa, onyń ishinde 5,4 myń gektar qarqyndy alma baýy ornalastyrylǵan. Óńirde alma, almurt, órik, shıe, shabdaly, qara órik ósiriledi,  dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Bul eldegi jemis-jıdek aǵashtarynyń 43% quraıdy. Dástúrli baýlardan gektaryna 60-70 sentnerden ónim alynsa, qarqyndy baýlardan 300-350 sentnerden ónim jınaldy. Qarqyndy baýlardyń negizgi bóligi Túlkibas, Tólebı, Qazyǵurt, Saıram aýdandarynda ornalasqan.

Ótken jyly jemis salý jasyndaǵy jemis-jıdek aǵashtarynan 116,9 myń tn (95,8 myń tn alma, 3,6 myń tn almurt, 7,4 myń tn sary órik, 4,2 myń tn shıe, 2,4 myń tn shabdaly, 3,3 myń tn qara órik, 1,8 myń tn jıdekter) ónimi jınaldy. Búgingi kúnge 26 myń tn Reseı, Qyrǵyzstan, Belorýssıa, Ózbekstan elderine eksporttaldy.

Oblysta qarqyndy baý sharýashylyǵyn damytý bul baǵytqa ınvestorlar tartý jumystary turaqty júrgizilýde.

Jemis-jıdek aǵashtaryn ósirýge kelesideı memlekettik qoldaýlar kórsetiledi.

«Tyńaıtqyshtardyń qunyn sýbsıdıalaý» baǵdarlamasy boıynsha satyp alynǵan mıneraldy tyńaıtqyshtardyń 50%;
«Pestısıdter, gerbısıdter men bıoagentterdiń qunyn sýbsıdıalaý» boıynsha zıandy organızmderge qarsy qoldanylatyn preperattardyń 50% ; «Investısıalyq salymdar kezinde agroónerkásiptik keshen sýbektisi shekken shyǵystardyń bir bóligin óteý boıynsha sýbsıdıalaý» baǵdarlamasyna sáıkes 5 gektardan bastap qarqyndy alma baǵyn salýǵa jumsalǵan shyǵynnyń 40% (1 gektarǵa esepteletin barynsha quny 21 000,0 myń teńge) jáne 5 gektardan bastap jemis-jıdek baǵyn otyrǵyzýǵa jumsaǵan shyǵynnyń 25% ;
Sonymen qatar tuqym sharýashylyǵyn qoldaý baǵdarlamasy arqyly satyp alynǵan kóshetteriniń 50% sýbsıdıalanady.