تۇركىستان وبلىسىندا گەكتارلاپ الما ب ا ق ەگىپ، جەمىس-جيدەك باعىتىنا بەتبۇرىس جاساعاندار كوبەيiپ كەلەدى. وبلىستىق اۋىل شارۋاشىلىعى باسقارماسىنىڭ مالىمەتىنشە، وبلىس بويىنشا جەمىس-جيدەك اعاشتارى 17،9 مىڭ گەكتارعا، ونىڭ ىشىندە 5،4 مىڭ گەكتار قارقىندى الما باۋى ورنالاستىرىلعان. وڭىردە الما، المۇرت، ورىك، شيە، شابدالى، قارا ورىك وسىرىلەدى،  دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

بۇل ەلدەگى جەمىس-جيدەك اعاشتارىنىڭ 43% قۇرايدى. ءداستۇرلى باۋلاردان گەكتارىنا 60-70 سەنتنەردەن ءونىم الىنسا، قارقىندى باۋلاردان 300-350 سەنتنەردەن ءونىم جينالدى. قارقىندى باۋلاردىڭ نەگىزگى بولىگى تۇلكىباس، تولەبي، قازىعۇرت، سايرام اۋداندارىندا ورنالاسقان.

وتكەن جىلى جەمىس سالۋ جاسىنداعى جەمىس-جيدەك اعاشتارىنان 116،9 مىڭ تن (95،8 مىڭ تن الما، 3،6 مىڭ تن المۇرت، 7،4 مىڭ تن سارى ورىك، 4،2 مىڭ تن شيە، 2،4 مىڭ تن شابدالى، 3،3 مىڭ تن قارا ورىك، 1،8 مىڭ تن جيدەكتەر) ءونىمى جينالدى. بۇگىنگى كۇنگە 26 مىڭ تن رەسەي، قىرعىزستان، بەلورۋسسيا، وزبەكستان ەلدەرىنە ەكسپورتتالدى.

وبلىستا قارقىندى باۋ شارۋاشىلىعىن دامىتۋ بۇل باعىتقا ينۆەستورلار تارتۋ جۇمىستارى تۇراقتى جۇرگىزىلۋدە.

جەمىس-جيدەك اعاشتارىن وسىرۋگە كەلەسىدەي مەملەكەتتىك قولداۋلار كورسەتىلەدى.

«تىڭايتقىشتاردىڭ قۇنىن سۋبسيديالاۋ» باعدارلاماسى بويىنشا ساتىپ الىنعان مينەرالدى تىڭايتقىشتاردىڭ 50%؛
«پەستيسيدتەر، گەربيسيدتەر مەن بيواگەنتتەردىڭ قۇنىن سۋبسيديالاۋ» بويىنشا زياندى ورگانيزمدەرگە قارسى قولدانىلاتىن پرەپەراتتاردىڭ 50% ؛ «ينۆەستيسيالىق سالىمدار كەزىندە اگروونەركاسىپتىك كەشەن سۋبەكتىسى شەككەن شىعىستاردىڭ ءبىر بولىگىن وتەۋ بويىنشا سۋبسيديالاۋ» باعدارلاماسىنا سايكەس 5 گەكتاردان باستاپ قارقىندى الما باعىن سالۋعا جۇمسالعان شىعىننىڭ 40% (1 گەكتارعا ەسەپتەلەتىن بارىنشا قۇنى 21 000،0 مىڭ تەڭگە) جانە 5 گەكتاردان باستاپ جەمىس-جيدەك باعىن وتىرعىزۋعا جۇمساعان شىعىننىڭ 25% ؛
سونىمەن قاتار تۇقىم شارۋاشىلىعىن قولداۋ باعدارلاماسى ارقىلى ساتىپ الىنعان كوشەتتەرىنىڭ 50% سۋبسيديالانادى.