Túrkistan oblysynyń ákimi Darhan Satybaldynyń tapsyrmasyna sáikes, oblysta eldi mekenderdi kógaldandyrý, balyq sharýashylyǵyn damytý baǵytynda seminarlar ótkizilýde, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Osyǵan orai 16 naýryz kúni Túlkibas aýdany, Mashat aýyl okrýginde «Oblysta balyq sharýashylyǵyn damytýdyń máseleleri jáne eldi mekenderin kógaldandandyrý sharasynyń iske asyrylý barysy boiynsha» seminar-keńes ótkizilmek.
Is-shara aiasynda eldi mekenderdi kógaldandyrý maqsatynda egiletin kóshetterdi egetin jerdi tańdaý, egý, kútip baptaý sharalary qatysýshylarǵa praktikalyq turǵyda kórsetiletin bolady.
Biyl kóktem ailarynda bosatylyp, egiletin kóshetterdiń, aýdan, qala ákimdikterimen talapqa sai egilýi men kútip baptalýyna qadaǵalaýdy kúsheitý maqsatynda tabiǵat qorǵaý prokýratýrasy qyzmetkeriniń qatysýymen jumysshy top qurylyp, aralaý kestesi bekitildi.
Buǵan deiin Qazyǵurt aýdanynda aýdan, qala ákimdikteriniń, basqarma mamandary men ǵalymdardyń, orman sharýashylyǵy qyzmetkerleriniń qatysýymen «Eldi mekenderdi kógaldandyrýǵa arnalǵan» seminar-keńes ótkizilgen bolatyn.
Seminar-keńeste kóshetterdi qazý, tasymaldaý, egý jáne kútip baptaý máseleleri teoriialyq turǵyda talqylanyp, jan-jaqty túsindirilgen.
Aita keteiik, atalǵan shara oblystyq tabiǵi resýrstar jáne tabiǵat paidalanýdy retteý basqarmasy tarapynan uiymdastyrylyp otyr.
