Elimizde jyl basynan beri balalardyń terezeden qulaýyna bailanysty 179 oqiǵa tirkelip, onyń 32-si qaiǵyly oqiǵamen aiaqtaldy. Oqiǵalardyń negizgi sebebi - ata-analardyń balalardy qaraýsyz qaldyrýy. Bul týraly Túrkistan oblystyq TJD Tótenshe jaǵdailardyń aldyn alý basqarmasy bastyǵynyń mindetin atqarýshy Asylbek Aqylbekuly málimdedi,- dep habarlaidy Dalanews.kz
"Oblys aýmaǵynda jyl basynan beri balanyń terezeden qulaýy boiynsha 1 jaǵdai tirkelip, 6 ailyq náreste aýyr jaraqattan kóz jumdy. Qazirgi tańda Túrkistan oblysy aýmaǵynda 737 kópqabatty turǵyn úi bar. Qaiǵyly jaǵdailardyń aldyn alý maqsatynda Departamenttiń uiymdastyrýymen balalardyń qaýipsizdigi boiynsha birshama is-sharalar atqarylýda. Atap aitqanda, "Bala qaýipsizdigi – basty maqsatymyz" taqyrybynda Túrkistan qalasyndaǵy saiabaqtarda jastar men balalardy tereze aldyndaǵy qaýipsizdik erejelerimen tanystyrý maqsatynda aýqymdy aktsiia ótti. Sharaǵa 800-ge jýyq adam qatysty. Sonymen qatar, jergilikti atqarýshy organdar men eriktilerdi tarta otyryp, oblys aýmaǵyndaǵy kópqabatty úilerdiń turǵyndaryna tereze aldyndaǵy qarapaiym qaýipsizdik erejelerdi tanystyryp, áleýmettik osal toptaǵy otbasylardyń turǵyn úileriniń terezelerine arnaiy bekitpeler ornatyldy. Bul baǵyttaǵy jumystar óz jalǵasyn tabatyn bolady",-dedi spiker.
