Búginde koronavirýs dertiniń taralýyna bailanysty Qazaqstan Respýblikasynda tótenshe jaǵdai jariialanǵany belgili. Monitoring barysynda bazardaǵy azyq-túlik baǵasy tekserilip, turǵyndardyń talap-tilekteri tyńdaldy. Bazar basshylyǵy men kásipkerlerge baǵany negizsiz kótermeý jóninde aityldy. Memleketimiz qaýipti dertpen kúresip jatqan sátte el azamattary bir-birin qoldap, adamgershilik saqtaýy tiis. Azyq-túlik baǵasynyń óspeýi «Nur Otan» partiiasy men oblys ákimdiginiń tikelei baqylaýynda bolady.
Aita keteiik, búginde Túrkistan oblysynda 72 bazar bar. Onyń ishinde 14-i mal bazary, bolsa, 4 avtokólik jáne 54 ámbebap bazar halyqqa qyzmet etedi. Al Túrkistan qalasynda 8 bazar jumys isteidi. Onyń úsheýi – ámbebap bazarlar.
Túrkistan oblysynda tótenshe jaǵdaiǵa bailanysty saýda nysandary sanitarlyq jáne dezinfektsiialyq sharalardy kúsheite otyryp, jumys isteý ýaqytyn saǵat 10-nan 18-ge deiin shektedi. Azyq-túlik dúkenderi, azyq-túlik sýpermarketteri men azyq-túlik bazarlary sanitarlyq jáne dezinfektsiialyq sharalardy kúsheite otyryp, ádettegi rejimde jumys isteidi, nan-toqash jáne konditerlik ónimderdi tek oralǵan kúiinde satylýy tiis.
Oblys ortalyǵyndaǵy «Əziz», «Qýanysh» bazarlary men əleýmettik dúkender qalypty rejimde jumys isteýde. Satyp alýshylardyń sany qalypty, jasandy azyq-túlik tapshylyǵy joq.
Búgingi kúnge oblys aýmaǵyndaǵy qoimalar men iri saýda nysandarynda 19 ataýly taýardan 30 878 tn. saqtalýda. Bul kórsetkish kúndelikti ózgerip turatyny belgili. Jalpy azyq-túlik qory jetkilikti.
