بۇگىندە كوروناۆيرۋس دەرتىنىڭ تارالۋىنا بايلانىستى قازاقستان رەسپۋبليكاسىندا توتەنشە جاعداي جاريالانعانى بەلگىلى. مونيتورينگ بارىسىندا بازارداعى ازىق-تۇلىك باعاسى تەكسەرىلىپ، تۇرعىنداردىڭ تالاپ-تىلەكتەرى تىڭدالدى. بازار باسشىلىعى مەن كاسىپكەرلەرگە باعانى نەگىزسىز كوتەرمەۋ جونىندە ايتىلدى. مەملەكەتىمىز ءقاۋىپتى دەرتپەن كۇرەسىپ جاتقان ساتتە ەل ازاماتتارى ءبىر-بىرىن قولداپ، ادامگەرشىلىك ساقتاۋى ءتيىس. ازىق-تۇلىك باعاسىنىڭ وسپەۋى «Nur Otan» پارتياسى مەن وبلىس اكىمدىگىنىڭ تىكەلەي باقىلاۋىندا بولادى.
ايتا كەتەيىك، بۇگىندە تۇركىستان وبلىسىندا 72 بازار بار. ونىڭ ىشىندە 14ء-ى مال بازارى، بولسا، 4 اۆتوكولىك جانە 54 امبەباپ بازار حالىققا قىزمەت ەتەدى. ال تۇركىستان قالاسىندا 8 بازار جۇمىس ىستەيدى. ونىڭ ۇشەۋى – امبەباپ بازارلار.
تۇركiستان وبلىسىندا توتەنشە جاعدايعا بايلانىستى ساۋدا نىساندارى سانيتارلىق جانە دەزينفەكسيالىق شارالاردى كۇشەيتە وتىرىپ، جۇمىس ىستەۋ ۋاقىتىن ساعات 10-نان 18-گە دەيىن شەكتەدى. ازىق-تۇلىك دۇكەندەرى، ازىق-تۇلىك سۋپەرماركەتتەرى مەن ازىق-تۇلىك بازارلارى سانيتارلىق جانە دەزينفەكسيالىق شارالاردى كۇشەيتە وتىرىپ، ادەتتەگى رەجيمدە جۇمىس ىستەيدى، نان-توقاش جانە كونديتەرلىك ونىمدەردى تەك ورالعان كۇيىندە ساتىلۋى ءتيىس.
وبلىس ورتالىعىنداعى «ءازيز»، «قۋانىش» بازارلارى مەن الەۋمەتتiك دۇكەندەر قالىپتى رەجيمدە جۇمىس ىستەۋدە. ساتىپ الۋشىلاردىڭ سانى قالىپتى، جاساندى ءازىق-تۇلiك تاپشىلىعى جوق.
بۇگىنگى كۇنگە وبلىس اۋماعىنداعى قويمالار مەن ءىرى ساۋدا نىساندارىندا 19 اتاۋلى تاۋاردان 30 878 تن. ساقتالۋدا. بۇل كورسەتكىش كۇندەلىكتى وزگەرىپ تۇراتىنى بەلگىلى. جالپى ازىق-تۇلىك قورى جەتكىلىكتى.
