Onyń aitýynsha, oblystaǵy ózge de aýdandardaǵy saýda oryndaryna turaqtandyrý qoryndaǵy arzandatylǵan taýarlar jetkizilýde. Ol taýarlardyń kelýi aýdan ákimdiginiń suranysy boiynsha júzege asady.
– Túrkistan qalasy aýmaǵynda 13 áleýmettik dúken men 5 saýda úilerinde («Magnum Cash&Carry», «Dastarhan», «Shapaǵat», «Dáýlet») 18 azyq-túlik taýarlary arzandatylǵan baǵamen satylýda. Máselen, kartop pen sábiz – 100 teńgeden, piiaz – 70 teńge, tuz – 42 teńge, kúrish – 265 teńge, makaron – 200 teńge, qant – 315 teńge, un – 150 teńge, kúnbaǵys maiy – 720 teńge, qaraqumyq – 480 teńge, jumyrtqa – 34 teńge, taýyq eti – 870 teńge, qyryqqabat – 110 teńge, áleýmettik nan – 70 teńgeden saýdanalanýda. Budan basqa, Túrkistan qalasynda filialy bar «Magným» saýda jelisimen ÁMAT-qa saýda ústemesin 15%-dan 10%-ǵa deiin tómendetý týraly kelisim jasaldy, – dedi Turaqtandyrý qory departamentiniń direktory.
Sondai-aq, brifingke qatysqan oblystyq kásipkerlik jáne saýda basqarmasynyń basshysy Nurbaqyt Imanqulov ÁMAT baǵalary kúndelik qatań baqylaýda ekendigin aityp, bul maqsatta tiisti jumystar atqarylyp jatqandyǵyn jetkizdi. Sondai-aq, oblystaǵy iri bazarlarda áleýmettik mańyzy bar azyq-túlik taýarlarynyń 1,5-2 ailyq qory bar ekendigin málimdedi.
Taýar baǵalaryn turaqtandyrý boiynsha oblystyq aýyl sharýashylyǵy basqarmasynyń bólim meńgerýshisi Baqdáýlet Tileýov biyldyń ózinde oblys ortalyǵyndaǵy «Ekobazarda» azyq-túlik taýarlarynyń 9 jármeńkesi ótkenin aitty. Aita keterligi, ár juma kúni Túrkistan qalasyndaǵy «Ekobazarda» (Túrkistan qalasyna kire beristegi jańa avtovokzal mańy) azyq-túlik taýarlary jármeńkesinde taýarlar naryqtyq baǵadan arzandatylyp satylýda.
